Erotique (film 1994)
|
C'l artìcul chè 'l è scrit in
Miranduléś |
 Erotique
| ||
| Erotique | ||
.png) La Kamala Lopez in na figùra dal film | ||
| Eròtic 1994 | ||
|---|---|---|
| Regìa: Lizzie Borden • Clara Law Ana Maria Magalhães • Monika Treut | ||
| Scritōr: Lizzie Borden • Eddie Ling-Ching Fong Ana Maria Magalhães • Monika Treut Susie Bright • Eloí Calage | ||
| Atōr: Michelle Clunie • Tim Lounibos • Michael Carr Tonico Pereira • Priscilla Barnes • Camilla Søeberg Marianne Sägebrecht • Liane Curtis • Kamala Lopez Tanita Tikaram • Dianna Miranda • Tim Lounibos | ||
| Müsica: Andrew Belling • Tats Lau | ||
| Léngua: Ingléś • Francéś • Cinéś • Purtughéś | ||
| Dürä dal film: 120 minüt | ||
| Nasiōṅ: Stat Unî • Germàgna Hong Kong • Braśìl | ||
Erotique (Eròtic) 'l è 'n film eròtic a epiśòdi dal 1994 girâ par quàtar regìsti dóni, la Lizzie Borden, la Clara Law, l'Ana Maria Magalhães e la Monika Treut.
In di Stat Unî 'l à purtâ a cà un migliòṅ e òṅ ad dòlar. La cantànta Tanita Tikaram la fà 'n camèo faghénd la segretària dna lèśbica in d'l epiśòdi “Wonton Soup”.
Sunt
Epiśòdi “Let's Talk About Love” regìa dla Lizzie Borden
La Rosie Velez (Kamala Lopez) l'è na ragàsa ch'la lavóra par Nick (Ron Orbach) rispundénd a 'l telèfun in na lìnea eròtica 'd Los Angeles. La vrév cambiàr mistēr faghénd l'atōra ma i gh śibìsan sōl la part dla buchinàra o dla camaréra purcùsa, inól'r al sò ragàs Eddie (Ray Oriel) al gh'à sèmp'r adòs. In dal cōrs dal tèmp la taca a dascórar c'n un sò cliènt ch'al la ciàma sèmpar, al dutōr Robert Stern (Bryan Cranston). La dóna la decìd ad cgnós'r-al.
Epiśòdi “Wonton Soup” regìa dla Clara Law
La Claire (Priscilla Barnes) l'è na lèśbica 'd Ambûrg ch'la vōl cuntintàr la sò muróśa Jukia (Camilla Søeberg) ch'la vrév pruàr un masć. Cun 'l ajùt dal sò amìg barìsta Franz (Peter Kern) la dóna la cgnós Victor (Michael Carr) e la s al pòrta a cà par far-'l andàr a lèt cun la Jukia.
Epiśòdi “Taboo Parlor” regìa dla Monika Treut
L’Ann (Hayley Man) e Adrian (Tim Lounibos) i èṅ dū amànt ch'i stàn'n a Melbourne e ch'i s védan dòp siē méś a Hong Kong. Chè i faṅ subìt 'l amōr par pò andàr in gir par la sità. La ragàsa la gh diś ch'l è méj mulàr-as, la 'l fà sèmpar finî la gusàda, pò la partìs c'n al sò cap p'r un viàś 'd afâr a Shangai. In cal mént'r al sò muróś al s mét a studiàr i rît cinéś d'l amōr.
Epiśòdi “Final Call” regìa dl'Ana Maria Magalhães
Un futógrafar ad Rio de Janeiro (Guilherme Leme) ch'al gh'à da far un servìsi su la campàggna braśigliàna e n'insgnànta ch'la gh'à da 'ndàr a New York par perfesiunàr al sò ingléś, la Lisa (Claudia Ohana), i s incróśan su 'n trêṅ dòp che lò al l'à salvàda da dū bruti ghigni ch'i la vlìvan viulentàr. Dòp avér fat denùnsia a la pulisìa i dū i pàsan la nòt insém e la dóna la n partìs piò dvintànd la sò mudèla.