Earthquake
|
C'l artìcul chè 'l è scrit in
Miranduléś |
 Nature Unleashed: Earthquake
| ||
| Earthquake | ||
 McKewon, Hunt e la Mulcahy in na figùra dal film | ||
| Taramòt 2005 | ||
|---|---|---|
| Regìa: Tibor Takács | ||
| Scritōr: Andy Hurst | ||
| Atōr: Fintan McKewon • Patrick Dreikauss Jacinta Mulcahy • Lydie Denier • Damian Hunt Michael Zelniker • Jay Benedict • Naomi Vekinis Pete Lee-Wilson • Zoe Thorne • Kofi Agyemang | ||
| Müsica: Jacqueline Loran | ||
| Léngua: Inglés • Rus • Tedésc • Lituàṅ | ||
| Dürä dal film: 89 minüt | ||
| Nasiōṅ: Régn Unî • Cànada • Lituàgna | ||
Earthquake (Taramòt) 'l è 'n film catastròfic dal 2005 ad Tibor Takács girâ c'n un budget stimâ ad dū migliòṅ e siē ad dòlar.
Sunt
'L inśgnēr Josh (Fintan McKeown) al partìs da Los Angeles a la vòlta dla Rùsia parchè al gh'à da cambiàr la diresiòṅ aśiendàla dna sentràla nucleàra in du a lavóra la sò ex mujér, la Rachel (Jacinta Mulcahy). La còpia la gh'à dū fiōi ch'i vìvan cun la dóna, Dylan (Damian Hunt) e l'arvèrsa Cherie (Zoe Thorne) ch'la s vistìs ad nég'r e la s fà ciamàr Raven. Al respunsàbil dla senràla, Emilio (Patrick Monckton), al fà 'l śburòṅ cun Josh dgénd ch'la sentràla l'è 'l méj dal méj ma a n è minga acsè parchè, quànd a riva 'n taramòt spavintóś, al sistéma ch'a tîṅ frésc al nòsul dal reatōr nucleàr al śmét ad funsiunàr. Al perìcul 'l è qvél 'd avér-ag n'atra Černobyl'. A 'l pòvar inśgnēr Leon (Patrick Dreikauss) i gh ś brùś'n i òć e pò durànt na scòsa 'd taramòt al finìs schisâ sóta 'l asinsōr.
Par far in manéra 'd arbasàr la tempradùra, la Rachel la pénsa ad vèrar na diga par far rivàr lè in présia dl'àqua druànd la via dla metrupulitàna ma purtròp lè dèntar a gh'è sò fiōla Cherie insém a la sò mistra, la sgnōra White (Lydie Denier).