Detective's Story

C'l artìcul chè 'l è scrit in Miranduléś Emiliàn

Video-x-generic.svg Harper
Detective's Story
Detective's Story.png
Paul Newman in na figùra dal film
Stòria 'd detective
1966
Regìa: Jack Smight
Scritōr: William Goldman • Ross Macdonald
Atōr: Paul NewmanArthur HillJulie Harris
Shelley WintersPamela TiffinLauren Bacall
Janet LeighRobert WagnerRobert Webber
Harold GouldJacqueline deWitMartin West
Müsica: Johnny Mandel
Léngua: IngléśSpagnōl
Dürä dal film: 121 minüt
Nasiōṅ: Stat Unî


«
Harper al ciàpa 'l caś e la ricumpénsa 'l è 'l umisìdi.»
(Tagline dal film)


Detective's Story (Stòria 'd detective) 'l è 'n film śal americàṅ dal 1966 'd Jack Smight. 'L è custâ tri migliòṅ e mèś ad dòlar e al 'n à fat sù dódas.

Al prutagunìsta Paul Newman, ch'in un prim mumènt al gh'iva da èsar Frank Sinatra, al farà la part dal detective Harper anc déś an dòp in dla pelìcula Detective Harper: acqua alla gola ad Stuart Rosenberg.

Sunt

Lew Harper (Paul Newman) al fà 'l investigadōr privâ, al n gh'à minga tant amìg e 'l è in criśi cun sò mujēr Susan (Janet Leigh). Méntar 'l è drē a firmàr di ducumènt p'r al divórsi, al vîṅ ciamâ p'r un caś da 'l avucàt Albert Graves (Arthur Hill): al migliardàri Ralph Sampson 'l è sparî dòp un viàś 'd afâr in aparéć da Las Vegas a Los Angeles. Sò mujēr Elaine (Lauren Bacall), ch'l'è daśgustàda sèg par via dal sò caràtar e p'r al fat ch'al gh méta i còran, la 'l vōl catàr sénsa però tiràr dèntar la pulisìa esénd che lò 'l è sòlit far anc di trafìc minga tant pulî.

Harper al fà dal dmandi prima a la fiōla 'd Sampson, la Miranda (Pamela Tiffin), e pò a 'l sò muróś Allan Taggert (Robert Wagner), ch'l éra 'l pilòta dal vōl, sénsa saltàr-'g-an fóra. Al detective al decìd acsè 'd andàr a investigàr in di pòst in du 'l migliardàri 'l éra sòlit andàr, cuma in un lucàl nutùran in du l'incróśa na sò amìga, èx stéla dal cìnema dvintàda na puòsa cicióna, la Fay Estabrook (Shelley Winters), e pò na cantànta 'd pianobàr, la Betty Fraley (Julie Harris).

In cal méntar Ralph al s fà viṿ cun na létra in du 'l diś 'd èsar stâ sequestrâ e ch'a gh'è da pagàr un riscàt ad sincsènt-mila dòlar.

Culegamènt estéran