Cyborg - La vendetta
|
C'l artìcul chè 'l è scrit in
Miranduléś |
 Nemesis
| ||
| Cyborg - La vendetta | ||
 La Deborah Shelton in na figùra dal film | ||
| Cyborg - La vindéta 1992 | ||
|---|---|---|
| Regìa: Albert Pyun | ||
| Scritōr: Rebecca Charles | ||
| Atōr: Olivier Gruner • Cary-Hiroyuki Tagawa Tim Thomerson • Merle Kennedy • Deborah Shelton Marjorie Monaghan • Thomas Jane • Brion James | ||
| Müsica: Michel Rubini | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî • Danimàrca | ||
Cyborg - La vendetta (Cyborg - La vindéta) l è 'n film 'd asiòṅ e fantàstic dal 1992 'd Albert Pyun.
A 'l cìnema 'l à muciâ sù dū migliòṅ ad dòlar. Al gh'à abû anc quàtar séguit: Cyborg Terminator 2 dal 1995, Cyborg Terminator 3 dal 1996, Nemesis 4: Death Angel dal 1996 e Nemesis 5: The New Model dal 2017.
Sunt
Alex Raine (Olivier Gruner), èx delinquènt vgnû fóra da la galéra cun dal parti dal còrp ad materiài sintètig, al lavóra par la pulisìa 'd Los Angeles a gl'órdan dal cumisàri Farnsworth (Tim Thomerson). Dòp na misiòṅ cóntar di cyborg arvèrs guidàda da la Rosaria (Jennifer Gatti), 'l óm al decìd ad mulàr incòsa ma prima al và in Braśìl par masàr-la.
Soquànt méś dòp però i óm ad Farnsworth i al vàn'n a tōr par pò piantàr-ag na bómba in dal pèt par custrìnś'r-al a lauràr incóra par lōr. Par Germaine (Nicholas Guest) al cyborg Jared (Marjorie Monaghan), èx amànta 'd Alex, l'à rubâ di segrét impurtànt di Stat Unî ch'la vōl pasàr a l'urganiśasiòṅ dla Rosaria, i Tèsta 'd Martèl dl'Armàda Rósa.
Alex al partìs par Giàva par farmàr-la. In dl'ìśula aśiàtica al cgnós prima na Cyborg amìga dla Jared, la Julian (Deborah Shelton), e pò na ragàsa ch'la s unìs malvluntéra a la sò batàja, la Max Impact (Merle Kennedy).