Critters, gli extraroditori
|
C'l artìcul chè 'l è scrit in
Miranduléś |
 Critters
| ||
| Critters, gli extraroditori | ||
 Billy Zane in na figùra dal film | ||
| Critters, gl'èxtra-ruśgadōr 1986 | ||
|---|---|---|
| Regìa: Stephen Herek | ||
| Scritōr: Domonic Muir Stephen Herek • Don Keith Opper | ||
| Atōr: Dee Wallace • M. Emmet Walsh • Billy Zane Billy Green Bush • Scott Grimest • Ethan Phillips Nadine Van der Velde • Don Keith Opper | ||
| Müsica: David Newman | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
Critters, gli extraroditori (Critters, gl'èxtra-ruśgadōr) l'è na cumèdia 'd scarésa americàna dal 1986 ad Stephen Herek. La gh'à abû tri séguit: Critters 2 dal 1988, Critters 3 dal 1991 e Critters 4 dal 1992.
La pelìcula l'à fat sù da piò ad trédas migliòṅ ad dòlar in di sōi Stat Unî dòp ès'r-an custàda tri.
Sunt
Jay Brown (Billy Green Bush) 'l è spuśâ cun l’Helen (Dee Wallace) e 'l gh'à dū fiōi: la April (Nadine Van der Velde) e Brad (Scott Grimes). Insém i vìv'n in na cà 'd campàggna dal Kànsas. Un dè 'n amìg imbariagòs ad Brad ch'a gh piàś far di fōg artifisiài, al mecànig Charlie McFadden (Don Keith Opper), al véd lung l'autostràda n'astrunâṿ vgnir śò da 'l cēl finénd in na furèsta lè darènt. A bōrd i gh'èṅ i Critters, na rasa agliéna 'd ruśgadōr magna-carna, fat a bòcia e quaciâ 'd pēi dapartùt. Jay e Brad i càtan pò al cadàvar 'd una dal sò vachi tut śbrandlâ a murśgàdi.
Chi móstar lè i tàcan pò a dar adòs a i cristiàṅ, masànd 'l agìnt ad pulisìa Jeff Barnes (Ethan Phillips) e 'l muróś dla April, Steve Elliot (Billy Zane), in dal méntar ch'i s éran lugâ in dal fnil par gusàr. La famìja Brown la gh'à acsè d'inśghnàr-as par difénd'r-as da gl'aglièṅ.