Cosmopolis (film)
|
C'l artìcul chè 'l è scrit in
Miranduléś |
 Cosmopolis
| ||
.png) Robert Pattinson in na figùra dal film | ||
| id. 2012 | ||
|---|---|---|
| Regìa: David Cronenberg | ||
| Scritōr: David Cronenberg • Don DeLillo | ||
| Atōr: Robert Pattinson • Emily Hampshire Sarah Gadon • Paul Giamatti • Juliette Binoche Kevin Durand • Abdul Ayoola • Samantha Morton | ||
| Müsica: Howard Shore | ||
| Léngua: Ingléś | ||
| Dürä dal film: 109 minüt | ||
| Nasiōṅ: Cànada • Frància • Itàglia • Purtugàl | ||
Cosmopolis (id.) 'l è 'n film dramàtic dal 2012 ad David Cronenberg trat da 'n rumànś umònim dal 2003 ad Don DeLillo.
La pelìcula, preśentàda in cuncōrs a 'l 65śum Fèstival ad Cannes, l'è custàda vint migliòṅ e mèś ad dòlar faghénd-an pò sù sōl siē e òṅ.
Sunt
Eric Packer (Robert Pattinson) 'l è 'n miliardàri ad vint-i-òt an ad New York ch'al s è péna spuśâ cun la scritōra 'd bòna famìja Elise Shifrin (Sarah Gadon) che però la n gh'à minga tanta vója 'd dar-'g-la. Un dè, dòp avēr patî un brut strabùc in bórsa, al decìd ad far-as tajàr i cavìi da 'l vèć barbēr 'd sò pàdar ch'al stà da cl'atra banda dla sità. Al śōv'n al partìs druànd la sò limousine ma al fà fadìga a giràr par Manhattan parchè a gh'è dimóndi tràfic esénd ch'a gh'à da rivàr al presidènt di Stat Unî e pò a gh'è anc al funeràł dna star dal rap e na manifestasiòṅ di anàrchig.
Dòp èsar-'s fat far un check-up in màchina, cuma tut i dè, e avēr gusâ cum la sò manager Didi Fancher (Juliette Binoche) e n'atra dóna incóra, Eric al masa la sò guàrdia dal còrp sparànd-ag ma pò al ròbi i s arbàltan parchè un sò èx dipendènt, Benno Levin (Paul Giamatti), al vōl far àtar tant sèg.