Cose preziose
|
C'l artìcul chè 'l è scrit in
Miranduléś |
 Needful Things
| ||
| Cose preziose | ||
 Max von Sydow in na figùra dal film | ||
| Ròbi ch'i gh'aṅ dal valōr 1993 | ||
|---|---|---|
| Regìa: Fraser Clarke Heston | ||
| Scritōr: Stephen King • W.D. Richter | ||
| Atōr: Max von Sydow • Ed Harris • Bonnie Bedelia Amanda Plummer • J.T. Walsh • Ray McKinnon | ||
| Müsica: Patrick Doyle | ||
| Léngua: Ingléś | ||
| Dürä dal film: 120 minüt | ||
| Nasiōṅ: Stat Unî | ||
Cose preziose (Ròbi ch'i gh'aṅ dal valōr) 'l è 'n film ad scarésa americàṅ dal 1993 ad Fraser Clarke Heston, fiōl ad Charlton Heston, trat da 'l rumànś umònim ad Stephen King. 'L à fat sù da piò ad quìndas migliòṅ ad dòlar.
Sunt
In dla sitadìna americàna ad Castle Rock a riva un dè al vèć antiquàri Leland Gaunt (Max von Sydow) ch'al vèra 'n negòsi, ciamâ “Ròbi ch'i gh'aṅ dal valōr”, ch'al vénd di śavàj uśâ. Tut i èṅ cuntènt ad lò parchè i gh càtan pròpria qvél ch'i aṅ sèmpar pascâ, di quèi ligâ a di fat dla sò vita e a di arcòrd dimóndi impurtànt. In cambi al tisi misterióś al n dmanda minga di bèsi ma sōl un "sarvìsi".
A sucéd però che tut i dvèntan più catìṿ cun chi àtar: i prēt dla Ceṡa Catòlica i daṅ cóntar a qvéi dla Ceṡa Batìsta, al sierìf in secónda Norris (Ray McKinnon) al gh i dà a 'l sìndic Keaton (J.T. Walsh), la Wilma Jerzyk (Valri Bromfield), ch'la crés di tòc, la s litga cun la Netitia Cobb (Amanda Plummer), Hugh (Duncan Fraser) al tira na sćiuptàda a 'l barìsta e via dascurénd. A pâr pròpria ch'la gint ch'l'à cumprâ quèl in dla butéga l'àppia pardû l'anma. Al sierìf Alan J. Pangborn (Ed Harris) al capìs subìt ch'a gh'è quèl ch'a traśa e al taca a pinsàr che Leland al sia Sàtana in parsòna.