Cose da maschi
|
C'l artìcul chè 'l è scrit in
Miranduléś |
 A Guy Thing
| ||
| Cose da maschi | ||
 La Julia Stiles e Jason Lee in na figùra dal film | ||
| Ròbi da masć 2003 | ||
|---|---|---|
| Regìa: Chris Koch | ||
| Scritōr: Greg Glienna • Pete Schwaba Matt Tarses • Bill Wrubel | ||
| Atōr: Jason Lee • Julia Stiles • Selma Blair James Brolin • Shawn Hatosy • Lochlyn Munro Diana Scarwid • David Koechner • Julie Hagerty Thomas Lennon • Jackie Burroughs • Peter New | ||
| Müsica: Mark Mothersbaugh | ||
| Léngua: Ingléś | ||
| Dürä dal film: 101 minüt | ||
| Nasiōṅ: Stat Unî | ||
Cose da maschi (Ròbi da masć) l'è na cumèdia americàna dal 2003 ad Chris Koch.
L'è custàda vint migliòṅ ad dòlar e la 'n à fat sù darsèt e quàtar.
Sunt
Paul Morse (Jason Lee) 'l è 'n śōv'n ad Seattle ch'al gh'à da spuśàr-as cun la Karen (Selma Blair), la fiōla dal pruprietàri dla dita in du 'l lavóra, Ken Cooper (James Brolin). Durànt la fèsta par 'l ùltim dè da put al cgnós la Becky Jackson (Julia Stiles), na biónda ciamàda lè par far divertìr i masć, e 'l dè dòp, anc par via dla ciùca, al s la cata in dal sò lèt. Esénd ch'a gh'à da vgnir la sò muróśa, Paul al para via la ragàsa quànd al s déśda sèg, lugànd in présia al sò mudàndi, ch'l'iva lasâ lè, in dal scàrag dal cèso. A lauràr, durànt na riugnòṅ, al s rénd cònt 'd avēr ciapâ anc 'l piàtli ch'i gh fànan na spiùra ch'al fà fadìga a cumpatìr-as.
Cla sira lè Paul al gh'à 'd andàr a cà di Cooper par na séna urganiśàda da la màdar dla sò muróśa, la Sandra (Diana Scarwid), par preśentàr-'l a 'l rèst dla famìja, cuma la sîna Budge (Jackie Burroughs). 'L è lè che 'l óm 'l arcgnós fra gl'invidâ pròpria la Becky, ch'la sarév pò la cuśìna dla Karen.