Conviction - Condannato
|
C'l artìcul chè 'l è scrit in
Miranduléś |
 Conviction
| ||
| Conviction - Condannato | ||
 Omar Epps in na figùra dal film | ||
| Conviction - Cundanâ 2002 | ||
|---|---|---|
| Regìa: Kevin Rodney Sullivan | ||
| Scritōr: Jon Huffman • Carl Upchurch | ||
| Atōr: Omar Epps • Dana Delany • Kyle Kass Janine Theriault • Bentley Mitchum • Anthony Criss Charles S. Dutton • Benz Antoine • K.C. Collins | ||
| Müsica: Jeff Beal | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî • Cànada | ||
Conviction - Condannato (Conviction - Cundanâ) 'l è 'n film dramàtic e biugràfic americàṅ e canadéś dal 2002 ad Kevin Rodney Sullivan girâ par la televiśiòṅ. Al cònta la vita d'l ativìsta 'd culōr Carl Upchurch tulénd spunt da 'l sà lìbar „Convicted in the Womb“.
'L è stâ girâ in Cànada a Turònt e a Brampton.
Sunt
Carl Upchurch (Kevin Duhaney) 'l è 'n baghét négar ch'al viṿ in di basfónd ad Filadèlfia, carsû in na quàlc manéra da dū genitōr minga tant gustóś. Sò pàdar (Charles S. Dutton) al gh'à sèmp'r insgnâ a dar-i a ch'i àtar par far-as rispetàr méntar sò màdar (Cherion Drakes) la n gh'à mai dâ d'l afèt dabòṅ.
Dvintâ grand Carl (Omar Epps) al finìs in parśòṅ dimóndi vòlti p'r avēr tòlt la via dal crìmin. Lè al cgnós Ledford (Bentley Mitchum), un biànc ch'l éra stâ mis in dla sèla darènt e ch'al créd 'd èsar nâ delinquènt. Carl invéci al s rénd cònt ch'l à fat di śbali in dla vita ma ch'l è 'n óm e ch'al gh'à 'l dirìt ad cambiàr, specialmènt dòp avēr lèt al Sunét 29 ad William Shakespeare ch'al dascór dla lòdula, 'n uśèl che Carl al n sà gnanc cum 'l è fat, e èsar-'s fat amìg cun l'insgnànta Martha Conamacher (Dana Delany). Finìda la sò péna, la dóna la gh śibìs 'd andàr a star sèg in dal sò sit ad campàggna in du la viṿ insém a sò marè Bob (Jonathan Whittaker) e a di ragàs adutâ, cuma 'l négar Demetrius (Kyle Kass).
La Martha la juta pò Carl a ricévar na bórsa da studi p'r andàr a n'università di quàcher, la sò religiòṅ. Chè chi lò al cgnós na studènta ciamàda Andrea Santoni (Janine Theriault), fiōla 'd un scritōr ch'l iva scrit un lìbar su Malcom X, ch'la dvènta anc la sò muróśa. Insém i cumbàtan na batàja par far tajàr i fónd che 'l istitùt al dava a di urganiśasiòṅ in Sud Àfrica ch'i purtàv'n avànti al pulìtichi d'l apartheid.
Dòp l'arvòlta 'd Los Angeles dal 1992, Carl al decìd ad cuntinuàr la lòta p'r i dirìt dla sò gint urganiśànd un summit par la paś a Kànsas City, miténd insém soquànti gang ad culōr da tut i Stat Unî.