Convensiòun in sim'a 'l status ed rifugê

C'l artìcol chè 'l è scrit in Carpśàn

La Convensiòun in sim'a 'l status ed rifugê, méj cgnusùda come Convensiòun dal '51 sui rifugê (Convention Relating to the Status of refugees in ingléś), l'è 'n tratê firmê in dal 28 ed lùj 1951 da 'l Nasiòun Unìdi e disponìbil per la firma ed chièter Stêt ch'i 'l ìsen vlû ind un secònd mumèint.

In dl Artìcol 1, cla Convensiòun chè l'à definî quand è ch'a gh'è 'n rifugê, i só dirìt e la responsabilitê di Paéś ch'i 'l àn tolt dèinter:

«

Chiunque, per causa di avvenimenti anteriori al 1° gennaio 1951 e nel giustificato timore d'essere perseguitato per ragioni di razza, religione, cittadinanza, appartenenza a un determinato gruppo sociale o per opinioni politiche, si trova fuori dello Stato di cui possiede la cittadinanza e non può o, per tale timore, non vuole domandare la protezione di detto Stato; oppure chiunque, essendo apolide e trovandosi fuori del suo Stato di domicilio in seguito a tali avvenimenti, non può o, per il timore sopra indicato, non vuole ritornarvi.»

(IT)(Artìcol 1 edla Convensiòun ed Ginévra in sìm'ai rifugê, 1951)

In dal scrit dal 1951 a s cata la strìca dal tèinp d'indû al rifugê al gh'ìva da èser scapê vìa da 'l só Paéś, a dìr prìma dal 1951. Al stès scrit al lasèva la discresiòun ed sernìr anca na limitasiòun geogràfica o minga. L'Itàglia la tulìva anca la limitasiòun che i rifugê i gh'ìsen da deśgnìr da 'n Paéś edl'Evròpa, brìśa da chièter post dal mond. L'ùna e cl'ètra restrisiòun i srèven pò stedi tolti vìa più terdi, col Protocòl ed New York dal 1967, tolt anc da l'Itàglia ma solamèint per la limitasiòun temporèla, mèinter che la limitasiòun geogràfica, nuètr itagliàṅ, a l'arèven tolta vìa sōl in dal 1990, cun la lēś Martelli.

Vōś lighèdi

Noti e referèinsi

Èter progèt

Wikimedia Commons contiene file multimediali su Convensiòun in sim'a 'l status ed rifugê

Colegamèint estèren

(IT) La Convensiòun dal 1951 in dla réda.
(EN) La Convensiòun dal '51 e 'l protocòl dal '67 in sim'ai rifugê in dal formêt pdf in dla wikimedia.