Con la zia non è peccato
|
C'l artìcul chè 'l è scrit in
Miranduléś |
 Con la zia non è peccato
| ||
 La Marina Hedman in na figùra dal film | ||
| Cun la sîna a n è mia pcâ 1980 | ||
|---|---|---|
| Regìa: Giuseppe Pulieri | ||
| Scritōr: Giuseppe Pulieri • Giuseppe Rosati | ||
| Atōr: Alex Partexano • Marina Hedman Antonella Antinori • Pietro Aiello • Gino Pagnani | ||
| Müsica: Giacomo Dell'Orso | ||
| Léngua: Itagliàṅ | ||
| Dürä dal film: 91 minüt | ||
| Nasiōṅ: Itàglia | ||
Con la zia non è peccato (Cun la sîna a n è mia pcâ) l'è na cumèdia dal gènar eròtic dal 1980 'd Giuseppe Pulieri ch'al l'à anc scrita insém a Giuseppe Rosati. L'è muciâ sù un squantèr'n ad bèsi in Grécia.
La prutagunìsta dal film la gh'iva da èsar l'Irene Papas ma quànd la s è tiràda sù la stanèla al regìsta 'l à pò cambiâ idéa vdénd i sò mudandòṅ e dal còsi pîni 'd véni varicóśi.
Sunt
La sgnōra Antonia Lamborghini (Antonella Antinori) la fà l'insgnànta e la viṿ in Sicìglia cun sò fiōl Rosario dit Saro (Pietro Aiello) dòp ès'r armàśa védva. Un dè a riva in paéś da l'Amèrica so cugnàda, la Gloria (Marina Hedman), parchè la gh'à da mét'r a pòst na questiòṅ su 'n sit ad famìja davśèṅ a 'l mâr ch'al cap d'l ufìsi tècnig dal cumùn, 'l inśgnēr Antonio De Vita Palmachiara Urzì dit Totò (Alex Partexano), al vrév cumpràr par quàtar sòlt par far na speculasiòṅ edilìsia.
La Gloria la pòrta subìt un rigàl a l’Antonia, un para 'd mudàndi sfaciàdi e pò la s śibìs ad tajàr via i pēi 'd intór'n a la sò pasra parchè a n stà mia bèṅ ch'i s védan. Dòp avér pasâ la sira in discutéca insém a 'l sò muróś farmacìsta, 'n óm cun la barba ch'al s ciàma Calogero (Salvatore Puntillo) e ch'al gh'à 'l mâł dla lumàga, l’Antonia la s déśda 'd nòt ch'la n stà minga tant bèṅ e la Gloria, ch'la dòrum sèg in dal sò lèt, la gh và a tōr un gós 'd àqua. Quànd chi lē la tórn' in cambra la cata sò cugnàda ch'la s prila in dal lèt cuma s'la gh'is al diav'l adòs parchè la gh'à spiùra in mèś a 'l còsi e dònca, par jutàr-la, la mòla lè 'l bicér e la s cava śò par far dal purcarìi insém.
La sîna 'd Saro la và pò a cà 'd Totò par vénd'r al sò sit a sò màdar, la barunésa (Catherina Zago), ma in dal méntar la s 'n imprufìta par far anc na gusàda sèg tgnénd-as strica a 'l casét 'd un cumò durànt la ciulàda. In cla manéra chè la gh la cava a ciapàr tri vòlti tant ad qvél che 'l inśgnēr 'l iva śibî a 'l inìsi a sò cugnàda. Quànd lē la gh admànda cuma l'is fat la Gloria la gh diś che tuti 'l dóni i èṅ sintàdi su la sò furtùna ma i n al sànan briśa. Prima 'd turnàr a cà la sîna la fà dvintàr óm anc sò anvōd ch'al s éra inamurâ 'd lē ma Totò al gh'à bèla prònt 'l anèl par lē.