Cocco di nonna
|
C'l artìcul chè 'l è scrit in
Miranduléś |
 Grandma's Boy
| ||
| Cocco di nonna | ||
 Covert e la Doris Roberts in na figùra dal film | ||
| Cuchèṅ dla nóna 2006 | ||
|---|---|---|
| Regìa: Nicholaus Goossen | ||
| Scritōr: Barry Wernick Allen Covert • Nick Swardson | ||
| Atōr: Allen Covert • Doris Roberts • Joel Moore Linda Cardellini • Shirley Jones • Peter Dante Nick Swardson • Shirley Knight • Jonah Hill | ||
| Müsica: Waddy Wachtel | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Cocco di nonna (Cuchèṅ dla nóna) l'è na cumèdia vulgaròta americàna dal 2006 ad Nicholaus Goossen.
Custâ sinc migliòṅ ad dòlar, al film al 'n à pò fat sù siē e siē.
Sunt
Alex (Allen Covert) 'l è 'n put ad trénta-sinc an che, dòp avēr mulâ 'n lavōr da raśunēr par sò pàdar, al s è mis a far al culaudadōr ad śōg vìddeo in dla cumpagnìa dal sgnōr Cheezle (Kevin Nealon), un quèl ch'a gh piàś dimóndi da piò anc tgnénd in cònt la sò natùra 'd bambusòṅ. Un dè al vîṅ sfratâ via 'd cà parchè 'l amìg ch'al spartìva 'l apartamènt sèg, Josh (Jonathan Loughran), al s éra mis a druàr i bèsi d'l afìt p'r andàr a putàni. Alex 'l è acsè custrét a catàr-'s in du star; prima al dmanda ajùt a Dante (Peter Dante), un tisi ch'al gh vénd la marijuàna, pò a 'l sò culéga Jeff (Nick Swardson), un ragàs ch'al viṿ incóra c'n i suo e ch'al s cumpórta incóra cuma s'al fus un putèṅ. A la fiṅ Alex al s adàta a star a cà 'd sò nunóna Lilly (Doris Roberts), na vècia ch'la gh'à in cà anc n'insiminìda ch'la magna dal madśìni a clasiòṅ, la Bea (Shirley Knight), e n'atra amìga ciamàda Grace (Shirley Jones).
A 'l lavōr Alex, insém a Jeff, a Kane (Kelvin Yu) e a Barry (Jonah Hill), al gh'à da testàr un śōg nóṿ invintâ da cal preśuntuóś ad J.P. (Joel David Moore). La manager Samantha (Linda Cardellini) la gh mét présia parchè al gh'à da èsar vindû in di negòsi ch'a gh cala pôc. Da 'l cant suo Alex 'l è drē a dar vita a 'n śōg tut suo ciamâ Demonik.