Cocaina (film 1988)
|
C'l artìcul chè 'l è scrit in
Miranduléś |
 The Boost
| ||
| Cocaina | ||
.png) James Woods e la Young in na figùra dal film | ||
| Cucaìna 1988 | ||
|---|---|---|
| Regìa: Harold Becker | ||
| Scritōr: Ben Stein • Darryl Ponicsan | ||
| Atōr: James Woods • Sean Young • Steven Hill John Kapelos • Kelle Kerr • John Rothman Amanda Blake • Grace Zabriskie • Marc Poppel | ||
| Müsica: Stanley Myers | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Cocaina (Cucaìna) 'l è 'n film dramàtic americàṅ dal 1988 'd Harold Becker.
La pelìcula l'è custàda òt migliòṅ ad dòlar ma la 'n à fat sù sōl stantòt-mila.
Sunt
Lenny Brown (James Woods), agìnt imubiliàr, al viṿ a New York insém a sò mujēr, la Linda (Sean Young). La sò caréra la n à mai ciapâ 'l vōl acsè un dè, dascurénd cun 'n óm 'd afâr califurgnàṅ, Max Sherman (Steven Hill), al decìd 'd andàr a lauràr par lò a Los Angeles. Max al gh śibìs un parc cliènt bèl grôs, na vila in afìt cun pisìna e na màchina spurtìva.
La vita di Brown la càmbia 'd cōlp, i bèsi i rìvan subìt e 'l óm al s lasa andàr a dal spéśi impurtànti, cuntànd su 'l sò stipéndi. Al ròbi però i càmbian quànd al guèran al mét dal tasi nóvi ch'i al ruìnan esénd ch'al gh'à di dèbit vèć da pagàr, fat par finansiàr i sò stravìsi. Na sira, a na fèsta a cà dal sò amìg Joel Miller (John Kapelos), chi lò al gh śibìs dla cucaìna e Lenny al gh astà, giùst par pruàr a tiràr-as sù. 'L óm al dvènta dipendènt da cla dròga lè e 'l tira dènt'r in dal visi anc sò mujēr.
Max al próa a jutàr-'l incóra ma Lenny 'l è custrét a fargàr di bèsi da la sò sucietà par pagàr-as la dròga, vgnénd acsè licensiâ. 'L è 'l inìsi d'n arbgàt per lò e par la Linda ch'la pèrd anc al putèṅ ch'la gh'iva da 'vēr.