Clerks - Commessi
|
C'l artìcul chè 'l è scrit in
Miranduléś |
 Clerks
| ||
| Clerks - Commessi | ||
 Brian O'Halloran e la Ghigliotti in na figùra dal film | ||
| Clerks - Cumés 1994 | ||
|---|---|---|
| Regìa: Kevin Smith | ||
| Scritōr: Kevin Smith | ||
| Atōr: Brian O'Halloran • Scott Mosier • Kevin Smith Lisa Spoonauer • Marilyn Ghigliotti • Jason Mewes Jeff Anderson • Scott Schiaffo • Walter Flanagan | ||
| Müsica: Avtōr difarènt | ||
| Léngua: Inglés | ||
| Dürä dal film: 104 minüt | ||
| Nasiōṅ: Stat Unî | ||
Clerks - Commessi (Clerks - Cumés) l'è na cumèdia americàna indipendénta dal 1994 ad Kevin Smith giràda in biànc e négar e preśentàda a 'l 47śum Fèstival ad Cannes. L'à fat sù da piò ad tri migliòṅ ad dòlar e la gh'à abû un séguit in dal 2006, Clerks II.
In dla culòna sunòra dal film, custàda da par lē da piò ad tut al film, i s càtan di pès di Alice in Chains, Jesus Lizard, Bad Religion, Soul Asylum e àt'r incóra.
Sunt
Dante Hicks (Brian O'Halloran), un cumés bòṅdagnìnt ad vint-a-dū an, 'l è incasâ négar parchè al gh'à da 'ndàr a lauràr a 'l pòst 'd un sò culéga quànd invéci al vliva andàr a śugàr a hockey in sal giàs cun di amìg. Inóltar in di luchét dal srandi i gh'aṅ mis dla guma da biasàr p'r a n far-i minga tiràr sù e dònca i cliènt i n sànan briśa ch'al negòsi 'l è avèrt. Dante al mét fóra un cartèl cun scrit insìma: „A v garantìs ch'a sém avèrt!“.
Al ragàs al s mét in cal mént'r a dascórar cun la sò muróśa, la Veronica Loughran (Marilyn Ghigliotti), e al vèṅ a savēr che chi lē la gh'à abû al curàǵ ad far di buchèṅ a trénta-siē óm difarènt e al s arlìa dimóndi sèg sénsa dar a mènt a 'l fat ch'anca lò in dla sò vita al s è dâ da far cun dódas ragàsi in tut. Lè datéś a s cata la butéga ad caséti vìddeo a nuléǵ dal sò amìg Randal (Jeff Anderson) sèmpar prònt a far dū ciàcri.
I pàsan da 'd lè i cliènt più fóra 'd tèsta ch'a sa gh sia: una la fà dal pugnéti a 'l bèsti par di mutìṿ ad riprudusiòṅ, òṅ al gh'à 'l ciòld fis p'r i óṿ parfèt e 'n vèć malnét ch'al còmpra na rivìsta pòran prima 'd andàr a 'l cèso. Quànd a riva lè a pisàr l'èx muróśa ad Dante da i tèmp dla scóla, la Caitlin (Lisa Spoonhauer), la 'l cata mòrt parchè a gh'è vgnû 'n cōlp.