Ciao America!
|
C'l artìcul chè 'l è scrit in
Miranduléś |
 Greetings
| ||
| Ciao America! | ||
 Robert De Niro in na figùra dal film | ||
| A t salùt Amèrica! 1968 | ||
|---|---|---|
| Regìa: Brian De Palma | ||
| Scritōr: Charles Hirsch, Brian De Palma | ||
| Atōr: Robert De Niro • Jonathan Warden Gerrit Graham • Richard Hamilton • Tina Hirsch Megan McCormick • Cynthia Peltz • Jack Cowley Peter Maloney • Ashley Oliver • Rutanya Alda | ||
| Müsica: Eric Kaz • Stephen Soles • Artie Traum | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Ciao America! (A t salùt Amèrica!) l'è na cumèdia dal 1968 ad Brian De Palma vinsidōra d'l “Órs 'd Argìnt” a 'l 19śum Fèstival ad Berlîṅ.
In alóra l'è stada giràda c'n un budget ad trentanóṿ-mila dòlar.
Sunt
Mént'r al presidènt Lyndon Johnson al dascór in televiśiòṅ dla sucietà americàna che par lò l'è granda dimóndi, tri śōvan i èṅ impgnâ a śbarcàr al lunàri in dla vita ad tut i dè.
Jon Rubin (Robert De Niro) al gh'à n'atra pasiòṅ ólt'r a 'l cìnema, qvéla 'd tiràr śò al ragàsi mént'r i s càvan śò davànti a la fnèstra. Paul Shaw (Jonathan Warden) al pésca sèmpar 'l amōr dla sò vita e al n vōl pròpria briśa partìr par la guèra in Vietnam. Al li próa tuti par paràr via c'l òblig lè anc faghénd finta 'd ès'r un fnòć ma pò al s fà rivàr dla “pasra” druànd al computer.
Lloyd Clay (Gerrit Graham) al vōl a tut i cóst dasquaciàr la véra su la mòrt ad John Fitzgerald Kennedy parchè al n créd briśa a qvél ch'la diś la versiòṅ uficiàla dal guèran. Pròpria quànd 'l è drē a davśinàr-'s a i fat cum i èṅ andâ dabòṅ al finìs cupâ acsè cuma di àtar testimòni.