Bursân
|
C'l artìcul chè 'l è scrit in
Arzân |
Bursân (Borzano in italiân) l'é 'na frasiòun dal cmûn 'd Albinèa in pruvîncia ed Rèz l'é a mezdé dal cèinter ed la sitê e a 's câta a dréta ed la strêda pruvincêla SP 37 ch' la và da Albinèa a Scandiân.
Pasê da pôch da céch bōregh agrécol a frasiòun ed lóso, Bursân al pōl vantêr un discrēt patrimòni artéstich cme la cēşa ed Sânta Maréia ed la Lôdla, al céch mó bèin tgnû "cèinter stôrich" al castèl e la "Tâna ed la Musèina" ('na grôta dóv' în stê catê di rèst dimòndi antîgh).
L'é cngusûda l'invédia ch' a gh'é tra quî ed la frasiòun e i sitadèin dal rèst dal cmûn, a câşva ed l' argòj ed paèiş ch' al sègna i "bursanèiş", mìa a chêş dimòndi în al tôti in gîr tra quî 'd Albinèa e quî ch' a stân a Bursân.
Spôrt
La frasiòun ed Bursân l'é ânca cgnusûda per la partecipasiòun al partîdi dal balòun dal Tornéo ed la Muntâgna, zughêda da squêdri ed l' Apenèin arzân zughê per pió ed 50 vôlti. La squêdra, cun al nòm e "Bursanèişa", a gh 'l' à cavêda a vînser al "Muntâgna" (ch'a 's zōga da la préma dumènica ed zógn a la préma 'd agòst per bèin trèi vôlti fra j ân '90 e i prém ân dal 2000 cun còst l'é dvintêda l'aversâri principêl dal squêdri ed la muntâgna.
A partîr dal 2005, ind i mèiş ed mâg e zógn a zōga al Memorial Marco Conti, tornéo ed balòun a 5 insém a un câmp artificêl, che per nómer de squêdri e bòuna urganişasiòun la 's impòn cme óna dal manifestasiòun de stôrt pió stimedi ed l'istê arzâna. In sté torno a zōghen anca zugadōr prufesinésta dal mònd dal fódbal e dal fódbal a 5.
Nôta: cla pâgina ché l'é stêda inviêda cun 'na tradusiòun da Borzano trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.