Brain Damage - La maledizione di Elmer
|
C'l artìcul chè 'l è scrit in
Miranduléś |
 Brain Damage
| ||
| Brain Damage - La maledizione di Elmer | ||
 Elmer e la gnuca 'd Rick Hearst in na figùra dal film | ||
| Dan a 'l sarvèl - La maledisiòṅ 'd Elmer 1988 | ||
|---|---|---|
| Regìa: Frank Henenlotter | ||
| Scritōr: Frank Henenlotter | ||
| Atōr: Rick Hearst • Jennifer Lowry • Theo Barnes Gordon MacDonald • Lucille Saint-Pier • Vicki Darnell | ||
| Müsica: Clutch Reiser • Gus Russo | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
Brain Damage - La maledizione di Elmer (Dan a 'l sarvèl - La maledisiòṅ 'd Elmer) 'l è 'n film ad scarésa americàṅ dal 1988 ad Frank Henenlotter ch'al 'l à anc scrit.
Sunt
Elmer 'l è 'n parasìta ch'a pâr un salsisòt e na sangvétula ma invéci 'd bév'r al sangṿ al gh'à da magnàr di sarvèi par scampàr. La sò tèsta l'è più grôsa dal sò còrp, 'l è bòṅ ad dascórar e 'l gh'à di dènt a punta. Al viṿ in d'l apartamènt ad dū vèć, la Martha (Lucille Saint-Peter) e Morris (Theo Barnes), ch'i gh dànan di sarvèi ad bèsti da biasàr e mandàr śò.
Un dè al móst'r al scapa via da 'd lè finénd in dla cambra 'd un sò vśèṅ 'd cà ciamâ Brian (Rick Hearst). Elmer al gh'à biśógn ch'al ragàs 'l al pòrta sèg in gir par catàr dal vitmi umàni, lò in cambi al tira fóra na gùcia par la bóca ch'l'è bòna 'd śguslàr un lìquid blù quànd al gh và dèntar par la gnuca dang-ag dal gudiōl a 'l sarvèl e dgl'alucinasiòṅ. Brian al n pōl piò armàgnar sénsa e 'l al scaròsa dapartùt, cambiànd caràtar e cumpurtamènt, lasànd da na banda la sò muróśa, la Barbara (Jennifer Lowry), e sò fradèl Mike (Gordon MacDonald).
Elmer al gh'à la manéra 'd magnàr acsè di sarvèi ad cristiàṅ cuma qvéi 'd un pulisiòt (John Reichert), dna buchinàra biónda (Vicki Darnell) ch'la gh'iva bcâ quànd l'iva dit ch'in dla sfésa dal braghi 'd Brian la sintìva 'n móstar, e 'd un ragàs sintâ su 'n cèso (Michael Bishop). Ma la Martha e Morris i al vōl'n indrē incóra.