Bloody Nightmare
|
C'l artìcul chè 'l è scrit in
Miranduléś |
 Cheerleader Campcgnusû anc cuma Bloody Pom Poms | ||
| Bloody Nightmare | ||
 La Betsy Russell in na figùra dal film | ||
| Arbgàt sangvinóś 1989 | ||
|---|---|---|
| Regìa: John Quinn | ||
| Scritōr: David Lee Fein • R.L. O'Keefe | ||
| Atōr: Betsy Russell • Leif Garrett • Lorie Griffin Lucinda Dickey • Travis McKenna • Teri Weigel Rebecca Ferratti • Vickie Benson • Tom Habeeb Buck Flower • Krista Pflanzer • Craig Piligian | ||
| Müsica: Joel Hamilton • Murielle Hamilton | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî • Giapòṅ | ||
Bloody Nightmare (Arbgàt sangvinóś) 'l è 'n film ad scarésa dal 1989 ad John Quinn girâ in Califòrgna.
Sunt
L’Alison Wentworth (Betsy Russell), mémbra dla squàdra di „aligadōr“ cmandàda p'r al sò muróś Brent Hoover (Leif Garrett), la s cata in dal camp „Hurrah“, sit in un bòsc, par tōr par a na cumpetisiòṅ ad cheerleader insém a 'l sò cumpàgni Theresa (Rebecca Ferratti), Pam (Teri Weigel) e la Bonnie (Lorie Griffin) méntar la Cory Foster (Lucinda Dickey) la fà la mascotte e cal ciciòṅ ad Tim (Travis McKenna) al tifóś. L’Alison, ch'la gh'à l'angùstia dla gara e la fà di brut insùni la nòt, l'è custréta a tōr dal madśìni par mét'r-as chiéta.
Méntar l’Alison la s prepàra, Brent al taca a far al galét cun na ragàsa dn'atra squàdra, la Suzy (Krista Pflanzer), che però la 'l para via subìt. La matìna dòp chi lē la vîṅ catàda mòrta in dal sò lèt c'n i pōls tajâ e tut i pénsan ch'la s sia tòlta la vita tant ch'la respunsàbila dla gara, la miss Tipton (Vickie Benson), la n ciàma gnanc la pulisìa p'r a n avēr minga di prubléma e di risć ad far sù baràca e buratèṅ. Quànd l’Alison, catànd al cadàvar in dla cambra-frîg dla strutùra, la ciàma 'l sierìf Poucher (Jeff Prettyman), la Tipton la s mét 'd acòrd sèg par far-ag srar 'n òć in cambi dna ciuladìna.
Esénd ch'l’Alison la n s la sènt minga 'd far sès cun Brent, chi lò al taca a pruàr-ag cun la Pam ch'la n spetàva àtar. Quànd chi lē a 'l ùltim la s tira indrē, parchè la n vōl minga na stòria da dū cōlp e via, al ragàs incasâ al la lasa in dal fiùm in du i s éran lugâ par gusàr, pò qualchidòṅ al la masa insfilsànd-ag di furbśòṅ in dla gnuca.
Cla sira lè a gh'è la gara e la Theresa l'è in pinsēr parchè la sò amìga Pam la n s véd minga ch'i gh'ìvan da far al balét tuti insém. La ragàsa la decìd 'd andàr-la a pascàr da par lē in dal bòsc ad nòt ma la vîṅ misa sóta da 'n furgunsèṅ ch'la la spapèla atàc a 'n àlbar. In cal méntar la Cory, in di pagn vérd d'l aligadōr, la pèrd la finàł dal mascotte cóntar la galìna. Anc l’Alison la pèrd al tìtul ad regìna dal cheerleader ch'al finìs invéci a la Bonnie. Méntar tut i bàlan in dla sala, miss Tipton la và a far un gir fóra imbariàga e la s bèca na manàra in dla schina.
Brent 'l è parsuàś ch'al sasèṅ al sia Pop (Buck Flower), 'l óm pagâ par far tut i lavursèṅ in dla strutùra.