Birdy - Le ali della libertà
|
C'l artìcul chè 'l è scrit in
Miranduléś |
 Birdy
| ||
| Birdy - Le ali della libertà | ||
 Matthew Modine in na figùra dal film | ||
| Birdy - Gl'ali dla libertà 1984 | ||
|---|---|---|
| Regìa: Alan Parker | ||
| Scritōr: William Wharton Sandy Kroopf • Jack Behr | ||
| Atōr: Matthew Modine • Nicolas Cage • Nancy Fish Sandy Baron • Karen Young • Bruno Kirby John Harkins • Marshall Bell • Crystal Field | ||
| Müsica: Peter Gabriel | ||
| Léngua: Ingléś | ||
| Dürä dal film: 120 minüt | ||
| Nasiōṅ: Stat Unî | ||
Birdy - Le ali della libertà (Birdy - Gl'ali dla libertà) 'l è 'n film dramàtic dal 1984 'd Alan Parker, vinsidor dal „Prèmi Speciàł dla Giurìa“ a 'l 38śum Fèstival ad Cannes. La culòna sunóra l'è 'd Peter Gabriel cun di pès trat da 'l sò tèrs e quàrt àlbum sulìsta.
Al film 'l è custâ dódas migliòṅ ad dòlar, dimóndi da piò di bèsi pò fat sù, sōl òṅ e quàtar.
Sunt
Finìda la guèra dal Viétnam, Al Columbato (Nicolas Cage) al tórna in Pennsylvania cun dimóndi fridi in ghigna par via dna bómba tant ch'l è custrét a purtàr dal fasóli in fàcia spetànd ad guarìr dal tut. Un dè a s fà viṿ al magiōr Weiss (John Harkins) ch'al gh admànda 'd andàr sèg a 'l uśdàł psichiàtric militàr in dua, da dimóndi tèmp, a gh'è ricuverâ 'n sò amìg ad quànd i éran di ragasōi a Filadèlfia. A s trata 'd Birdy (Matthew Modine) ciamâ acsè par via dla sò pasiòṅ par gl'uśèi, tant ch'l à sèmpar vlû pasàr al sò tèmp a guardàr-i piutòst che divertìr-as c'n al ragàsi, cuma la Doris (Maud Winchester) ch'la s éra pur śibìda sèg.
Birdy 'l è armàś sgnâ da la scarésa dla guèra, avénd-ag tòlt part anc lò, e adès al n è più bòṅ ad dascórar, 'l armàgn sèmpar da par lò in un cantòṅ dla sò cambra tut nûd ch'al créd 'd èsar 'n uśèl. Al dutōr Weiss al spéra che véd'r al sò amìg al pòsa èsar-'g 'd ajùt in na quàlc manéra.