Biancaneve nella foresta nera
|
C'l artìcul chè 'l è scrit in
Miranduléś |
 Snow White: A Tale of Terror
| ||
| Biancaneve nella foresta nera | ||
 La Weaver e la Dale Wyatt in na figùra dal film | ||
| Biancanéṿ in dla furèsta négra 1997 | ||
|---|---|---|
| Regìa: Michael Cohn | ||
| Scritōr: Fradèi Grimm Thomas E. Szollosi • Deborah Serra | ||
| Atōr: Sigourney Weaver • Sam Neill • Taryn Davis Monica Keena • David Conrad • Dale Wyatt Frances Cuka • Anthony Brophy • Brian Glover | ||
| Müsica: John Ottman | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
Biancaneve nella foresta nera (Biancanéṿ in dla furèsta négra) 'l è 'n film ad scarésa gòtic americàṅ dal 1997 ad Michael Cohn trat da la fòla di Fradèi Grimm.
'L è stâ girâ par la televiśiòṅ via caṿ a Praga e in Buèmia, dasfrutànd un budget ad vint-siē migliòṅ ad dòlar.
Sunt
La śōvna Lilliana Hoffman (Monica Keena), ciamàda Lilly par sò pàdar pîṅ ad bèsi, Lord Friedrich Hoffman (Sam Neill), l'è na bèla ragasōla intraplàda in dal mónd durâ in du l'è nada. La n à mai cgnusû sò màdar ch'l'è mòrta in dal parturìr, adès a 'l sò pòst a gh 'n è n'atra, la Lady Claudia (Sigourney Weaver), ma fra 'l dū dóni la mòla la n è mai scrucàda, specialmènt pò da quànd la Claudia l'à vdû nàsar mòrt al putèṅ ch'l'iva sèmpar vlû.
Parsuàśa dimóndi ch'la càuśa dal sò dulōr a sia pròpria la Lilly, anc tgnénd a drē a qvél ch'a gh diś al spèć ch'la gh'à in dla sò cambra, la Lady Claudia la gh buta adòs tuta la sò arlìa e la ragàsa par salvàr-as l'è custréta a lugàr-'s in dal bòsc e la s stablìs in na céśa in ruìna insém a 'n grup ad minadōr. Ma la Claudia, ch'l'iva dâ 'l incàr'g a sò fradèl ad cupàr-la, la vèṅ a savēr da 'l spèć ch'invéci l'è incóra viva.