Batman - Il film
|
C'l artìcul chè 'l è scrit in
Miranduléś |
 Batman: The Movie
| ||
| Batman - Il film | ||
 Gorshin, Meredith, la Meriwether e Romero in na figùra dal film | ||
| Batman - Al film 1966 | ||
|---|---|---|
| Regìa: Leslie H. Martinson | ||
| Scritōr: Bob Kane • Lorenzo Semple Jr. | ||
| Atōr: Adam West • Burt Ward • Lee Meriwether Cesar Romero • Burgess Meredith • Alan Napier Frank Gorshin • Neil Hamilton • Stafford Repp Madge Blake • Reginald Denny • Jack LaLanne | ||
| Müsica: Neal Hefti • Nelson Riddle | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Batman - Il film (Batman - Al film) l è 'n film fantàstic dal 1966 ad Leslie H. Martinson ch'al tōś ispirasiòṅ da 'l fumét creâ par Bob Kane. 'L è stâ girâ in Istâ durànt la pàuśa fra la prima sèrie di telefilm ad Batman e la secónda.
Sunt
Al comodôr Schmidlapp (Reginald Denny) e 'l sò yacht i èṅ i perìcul. Chi lò 'l à péna invintâ un machinàri par tiràr via tuta 'l àqua da i còrp p'r imbutigliàr in présia dal spìrit p'r al sò fàbrichi. Ma i quàtar laśaròṅ più impurtànt ad Gotham City, al Pinguèṅ (Burgess Meredith), al Joker (Cesar Romero), la Dóna Gat (Lee Meriwether) e 'l Enigmìsta (Frank Gorshin), 'sta vòlta tut insém, i aṅ decìś ad purtàr-'g-al via par druàr-al lōr par far parśunēr i mémbar dal cunsìli d'l ONU. Na vòlta ardùt in pólvra, par far-i turnàr nurmài śuntànd-ag dl'àqua, i paéś dal mónd i gh'aràṅ da pagàr 'n òć ad la tèsta p'r avér-i indrē.
I catìṿ i tràpl'n anc un piàṅ par far fóra Batman (Adam West) e Robin (Burt Ward). Da na bòa lugàda in dal mâr i faṅ védar na figùra dla naṿ dal comodôr acsè quànd lì lōr dū i riv'ràṅ lè c'n al bat-elicòtar, un squâl impinî ad bómbi al farà 'l rèst. Par furtùna però che Robin al fà in tèmp a ślungàr a 'l ùltim minùt al sprus cónt'r i squài a Batman ch'al gh'iva ch'la bistiàsa lè atàc a la pólpa dla gamba.
La Dóna Gat la s inśégna alóra par catàr n'atra manéra par ciapàr Batman. Faghénd finta 'd èsar na giurnalìsta rusa dal giurnàł “Al sibiōl ad Mósca”, la Miss Kitka, la vōl far pèrdar la tèsta a 'l miliardàri Bruce Wayne par rapìr-al méj e spetànd pò che 'l “Óm Papastrèl” al véggna a salvàr-al. 'L è 'n pcâ però ch'a n pòsa minga andàr acsè parchè Bruce 'l è pròpria Batman in parsòna.