Axed
|
C'l artìcul chè 'l è scrit in
Miranduléś |
 Axed
| ||
| Axed | ||
 Hansler, la Gordon e la Posener in na figùra dal film | ||
| Manarâ 2012 | ||
|---|---|---|
| Regìa: Ryan Lee Driscoll | ||
| Scritōr: Ryan Lee Driscoll | ||
| Atōr: Jonathan Hansler • Christopher Rithin Nicola Posener • Andrea Gordon • Henry Douthwaite | ||
| Müsica: Aleksandar Dimitrijevic | ||
| Léngua: Ingléś | ||
| Dürä dal film: 84 minüt | ||
| Nasiōṅ: Régn Unî | ||
Axed (Manarâ) 'l è 'n film britànic ad scarésa dal 2012 ad Neil Jordan ch'al 'l à anc scrit.
Al tìtul dla pelìcula in ingléś 'l è 'n dópi sèns parchè a vōl dir ciapâ a cōlp ad manàra ma anc licensiâ.
Sunt
Ag brut perìud par Kurt Wendell (Jonathan Hansler)! Licensiâ par la criśi da 'l sò cap Zack Petersen (Henry Douthwaite), 'l è sicûr che sò mujér Steph (Andrea Gordon) la gh méta i còran pròpria cun lò. Inólt'r al n s cumpatìs piò che sò fiōl Jay (Christopher Rithin) al li ciàpa a scōla sénsa far gnint e che sò fiōla Megan (Nicola Posener) la vag' in gir vistìda cuma na rója tuta scalvìda e c'n al rusét rós in di làbar.
Na matìna al decìd acsè ad far na surpréśa a la sò famìja purtànd-la in vacànsa in dla campàgna ingléśa in du lò 'l à tòlt in afìt na cà in mèś a i bòsc. In dal tasèl, sénsa che chi àtar tri i sàppian gnint, 'l óm 'l à ligâ a 'n lèt Zack par vindicàr-as e dar-'g-i. Cla sira lè Kurt al śibìs di rigàl a i suo: a la Megan al gh dà 'n tanga rós da mét'r-as, a Jay na rivìsta pòran gay e a la Steph na sfilaràda 'd preservatìṿ par tut i óm ch'la s fà quànd lò 'l è via. Par lò Kurt al s è cumprâ na bèla manàra.