An angel and Paul
|
C'l artìcul chè 'l è scrit in
Miranduléś |
 Ein Engel und Paul
| ||
| An angel and Paul | ||
 L'Eva Haßmann in na figùra dal film | ||
| 'N àngil e Paul 2002 | ||
|---|---|---|
| Regìa: Manfred Stelzer | ||
| Scritōr: Doris J. Heinze | ||
| Atōr: Eva Haßmann • Pierre Besson • Gunda Ebert Klaudia Balawender • Paul Faßnacht • Evelyn Meyka | ||
| Müsica: Lutz Kerschowski • Danny Dziuk | ||
| Léngua: Tedésc | ||
| Dürä dal film: 88 minüt | ||
| Nasiōṅ: Germàgna | ||
An angel and Paul (’N àngil e Paul), cgnusû anc cuma Inseguendo la felicità (Curénd adrē a la cuntintésa), 'l è 'n film rumàntic e dramàtic tedésc dal 2002 girâ par Manfred Stelzer.
La pelìcula l'è stada giràda a Berlîṅ.
Sunt
La Maria (Eva Haßmann) l'è na ragàsa tedésca 'd vint-siē an dimóndi dasfurtunàda in dla vita e in amōr ma la gh cónta incóra. Esénd ch'la s è inamuràda 'd 'n avucàt impiegâ un studi legàł ciamâ Paul Häusler (Pierre Besson), la próa a tacàr butòṅ sèg a 'l supermarcâ ma chi lò al n la caga gnanc anc parchè 'l è bèla spuśâ cun la Louise (Gunda Ebert) e 'l gh'à na fiōla ciamàda Laura (Klaudia Balawender). Purtròp par lò la ragàsa l'è pèś dna piàtla e la gh tîṅ adrē in fiṅ a cà, pò la s insfìlsa in dal sò palàs e la gh diś «S'ta m tóc mè a m mét a sigàr!».
A fòrsa 'd andàr-'g adrē la Maria la gh la cava a far inamuràr Paul però pò la decìd ad tiràr-'s indrē par via 'd un segrét ch'la s pòrta dèntar: la fà di tragatèṅ par cònt 'd un sèrt Charly (Ingo Naujoks). Mandâ fóra 'd cà da sò mujēr ch'l'à naśâ tut, Paul al và a star cun la Maria, ch'la vōl cambiàr vita, in na cà ch'al gh'à mis a dispuśisiòṅ al sò culéga Hans (Paul Faßnacht).