Amityville Horror - La fuga del diavolo
|
C'l artìcul chè 'l è scrit in
Miranduléś |
 Amityville Horror:The Evil Escapes | ||
| Amityville Horror - La fuga del diavolo | ||
 Lehne, la Wyatt e la Duke in na figùra dal film | ||
| Amityville Scarésa - La scapàda dal diàvul 1989 | ||
|---|---|---|
| Regìa: Sandor Stern | ||
| Scritōr: John G. Jones • Sandor Stern | ||
| Atōr: Patty Duke • Jane Wyatt • Fredric Lehne Brandy Gold • Aron Eisenberg • John De Bello Lou Hancock • Norman Lloyd • Zoe Trilling | ||
| Müsica: Rick Conrad | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Amityville Horror - La fuga del diavolo (Amityville Scarésa - La scapàda dal diàvul) 'l è 'n film ad scarésa par la televiśiòṅ dal 1989 ad Sandor Stern, ispiràda a la cà maladìda 'd Amityville a Long Island.
Sunt
In na nòt ad piōva, siē prevòstar guidâ par pàdar Manfred (Norman Lloyd) i vànan in dla cà maladìda 'd Amityville p'r eśurciśàr-la. Òṅ ad chi prēt lè, pàdar Dennis Kibbler (Fredric Lehne), 'l è in na cambra da lèt par banadìr-la quànd a 'l impruvìś a s impìa da par lē na lampda 'd utòṅ ch'l'àrcòrda 'n spavénta-pàsar. Da la bòcia prinsipàla, ch'la s cata in dla tèsta, a salta fóra la ghigna dal diàvul. Kibbler al vîṅ śbatû via cónt'r a 'l mur e 'l pèrd i sèns.
Soquànt dè dòp l'agensìa imubiliàra la decìd ad śvénd'r incòsa par far sù quèl e na vècia ciamàda Helen Royce (Peggy McCay) la decìd ad cumpràr pròpria la lampda parchè la la créd un śavàj pròpria brut da regalàr par rìdar a sò surèla Alice (Jane Wyatt) ch'la viṿ da par lē in Califòrgna. Tucànd al bàvar però l’Helen la s taja 'n dî e in dal gir ad soquànt dè la mōr ad tétan.
Na stmana dòp la lampda la riva a cà dl’Alice in du l'éra vgnuda a star in cal méntar sò fiōla Nancy (Patty Duke), dòp la mòrt ad sò marè. Insém a lē i gh'ìn'n anc i sò tri fiōi, l’Amanda (Zoe Trilling), Brian (Aron Eisenberg) e la pìcula Jessica (Brandy Gold). Al papagàl e 'l gat i sèntan ch'a gh'è quèl ch'a traśa in dla lampda ma la famìja la n gh fà minga a mènt. In séguit, p'r òpra sua, un ragàs al pèrd na maṅ in dal lavandèṅ, 'l idràulic (Gary Davies) al mōr fugâ da i scàrag dla canaléta e la dóna di fat, la Peggy (Lou Hancock), la mōr strusàda da 'l fîl dla lampda ch'l'éra stada misa in dal tasèl mòrt dòp che la Nancy l'iva vdû la Jessica dascórar sèg dgénd ch'l éra sò pàdar.
Par liberàr la cà da 'l mâł, a riva in ajùt dla famìja Dennis Kibbler.