Amici per gioco, amici per sesso

C'l artìcul chè 'l è scrit in Miranduléś Emiliàn

Threesome
Amici per gioco, amici per sesso

Stephen Baldwin in na figùra dal film
Amìg par śōg, amìg par sès
1994
Regìa: Andrew Fleming
Scritōr: Andrew Fleming
Atōr: Lara Flynn BoyleStephen Baldwin
Josh CharlesAlexis ArquetteMartha Gehman
Mark ArnoldMichele MathesonJoanne Baron
Müsica: Thomas Newman
Léngua: Ingléś
Dürä dal film: 93 minüt
Nasiōṅ: Stat Unî


«
Na ragàsa. Dū ragàs. Tri pusibilità.»
(Tagline dal film)


Amici per gioco, amici per sesso (Amìg par śōg, amìg par sès) l'è na cumèdia sentimentàla americàna dal 1994 scrita e dirèta p'r Andrew Fleming ch'la fà riferimènt a i sò arcòrd a i tèmp dl'università.

Custâ déś migliòṅ ad dòlar, al film al 'n à fat pò sù dagnóra quìndas.

Sunt

Eddy (Josh Charles) e Stuart (Stephen Baldwin), studènt in un culéǵ americàṅ, i spartìsan la cambra insém. Al prim 'l è 'n tisi dimóndi sensìbil e i gh piàś'n al létri, al secónd 'l è 'n squasamarléti, spurtìṿ e piutòst vilàṅ. Anc s'i gh'aṅ di caràtar dal tut difarènt, i vànan 'd acòrd listés. Un dè, par 'n erōr su 'l nóm, i gh màndan na studènta fémna ciamàda Alex (Lara Flynn Boyle) ch'la dvènta sò amìga, specialmènt 'd Eddy ch'al gh piàś pròpria. Un dè la ragàsa la s fà avànti sèg ma, quànd la taca a tucàr-al, chi lò al s tira indrē.

Quànd Stuart al vîṅ a savēr ad cal fat lè, al gh diś ad dar-ag dèntar anc parchè l′Alex l'è pròpria na bèla śuvnòta e lò al gh'à bèla butâ gl'òć adòs. Eddy però al n è minga tant ad cl'idèa lè anc parchè al capìs ad sintìr quèl pròpria par Stuart che, quànd al taca a dascórar ad purcàdi sèg, lò al n capìs più gnint.

Stuart al naśa ch'al sò amìg al prév èsar fnòć, incóra vìrgin fra 'l àtar, e 'l pròva a urganiśàr quèl fra lò e Richard (Alexis Arquette), studènt anc lò dal campus. Eddy però al scapa via incóra na vòlta.

Culegamènt estéran