Amici & vicini
|
C'l artìcul chè 'l è scrit in
Miranduléś |
 Your Friends and Neighbours
| ||
| Amici & vicini | ||
 La Keener e Ben Stiller in na figùra dal film | ||
| Amìg & vśèṅ 1998 | ||
|---|---|---|
| Regìa: Neil LaBute | ||
| Scritōr: Neil LaBute | ||
| Atōr: Ben Stiller • Jason Patric • Aaron Eckhart Catherine Keener • Nastassja Kinski Amy Brenneman • Josh Dotson • Lola Glaudini | ||
| Müsica: Steve Kaminski | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
Amici & vicini (Amìg & vśèṅ) 'l è na cumèdia americàna dal 1998 ad Neil LaBute ch'al l'à anc scrita. Custàda sinc migliòṅ ad dòlar a 'l incìrca, l'à dagnóra fat cònt para purtànd-'n a cà quàt'r e sèt.
In di tìtui ad cóa a s pōl sintìr, fra i àtar braṅ, la dla mùśica di Metallica sunàda par gl'Apocalyptica.
Sunt
Jerry (Ben Stiller) e la Terri (Catherine Keener) i viv'n insém a New York. Lò ad mistēr al fà 'l insgnànt ad teàtar, 'l è sèmpar precìś in di quèi e al pénsa sōl par lò, lē invéci l'è stufa e rabìda. I èṅ amìg dla còpia furmàda da Barry (Aron Eckhart), 'n óm 'd afâr ch'a s fà da spés dal pugnéti da par lò, e dla Mary (Amy Brenneman), na scritōra ch'a dir-la tuta a gh in ciàva gnint dal sès, ma sò marè al n sà gnint. Na sira, dòp ch'i quàtar i ìvan snâ insém, Jerry al dmanda a la Mary 'd andàr fóra sèg e lē, ch'la n in pōl piò, la diś ad sè, tacànd acsè na relasiòṅ.
In cal méntar la Terri la cgnóś la galerìsta 'd art lèśbica Cheri (Nastassja Kinski) e la s gh mét insém. Barry al gh'à 'n amìg in dal dutōr Cary (Jason Patric), òṅ ch'a gh piàś purtàr-'s a lèt dal dóni cun di prubléma emutìṿ par pò dascargàr-li p'r al piaśēr ad véd'r-li piànśar. Ma quànd al s véd in dal bagn tûrc cun chi àtar dū amìg al gh cunfèsa ch'la ciulàda più bèla ch'l à fat in dla sò vita l'è stada cun 'n óm.
A pasa 'l tèmp e la Mary la sa stufa anc ad Jerry che però al n sà minga cuma scuśàr-as cun Barry. In tut al manéri chi lò al vrév listés salvàr al matrimòni. Anc cun la Terri la decìd ad mulàr la Chery.