Amanda Lear
|
C'l artìcul chè 'l è scrit in
Miranduléś |
L’Amanda Tapp, cgnusùda méj cuma Amanda Lear (Hong Kong, 18 ad Nuvémbar dal 1939) l'è na cantànta, atōra, pitōra, scritōra, èx mudèla e cundutōra televiśìva francéśa.
Caréra
Dòp na caréra da mudèla a 'l inìsi di an Ssanta, a la mità di an Stanta la s fà cgnósar cuma cantànta faghénd vgnir fóra di pès ad sucès cuma Tomorrow, Follow Me, Queen of Chinatown e The Sphinx e vindénd quìndas migliòṅ 'd àlbum in tut al mónd e dagnóra 'l dópi fra i sìngui.
In séguit la taca a preśentàr soquànt prugràma in dal televiśiòn 'd Európa dasfrutànd anc al fat 'd èsar bòna 'd dascórar bèṅ in ingléś, francéś, itagliàṅ, tedésc e spagnōl. In Itàglia a l'arcurdém par Stryx (1978), Premiatissima (1982-1983), W le donne (1984-1986), Ars Amanda (1989), Il brutto anatroccolo (1998-2000), Cocktail d'amore (2002-2003) e La grande notte del lunedì sera (2002-2003). In dal 2004 l'à preśentâ la prima puntàda dal reality show La Talpa prima 'd lasàr al pòst a la Paola Perego.
Vita privàda
Dòp avēr abû na relasiòṅ ad séd'ś an c'n al pitōr spagnōl Salvador Dalí e pò n'atra cun David Bowie, in dal 1979 la s è spuśàda c'n al nòbil francéś Alain-Philippe Malagnac d'Argens de Villèle, armagnénd védva in dal 2000 quànd chi lò 'l è mòrt a quarànta-nóṿ in d'l inséndi dla sò vila in Pruvénsa.
In dal 2002 la s è misa c'n al mudèl piasintèṅ Manuel Casella, cgnusû in dal prugràma 'd Italia 1 Il brutto anatroccolo. Da 'l 2014 l'è ligàda a 'l atōr Anthony Hornez, ad trént'an più śōvan.
Filmugrafìa
- 1967 - Ne jouez pas avec les Martiens, regìa 'd Henry Lanöe
- 1968 - Wonder wall - the movie, regìa ad Joe Massot
- 1968 - Fun and Games for Everyone, regìa ad Serge Bard
- 1970 - Double pisces, rising scorpion, regìa ad Norman Mailer
- 1978 - Follie di notte regìa ad Joe D'Amato
- 1978 - Zio Adolfo in arte Führer regìa ad Castellano e Pipolo
- 1985 - Grottenolm, regìa ad Rainer Kirkberg
- 1992 - Tendres Intrus, regìa ad Roman Baboeuf
- 1998 - Bimboland, regìa 'd Ariel Zeitoun
- 2002 - Le Dèfi, regìa dla Blanca Li
- 2003 - Gala, regìa dla Silvia Munt
- 2005 - Gigolò, regìa ad Bastian Schweitzer
- 2006 - Starfuckers, regìa ad Julien War
- 2007 - Oliviero's rising, regìa ad Niki Roseo
- 2008 - Les Chasseurs de Dragons, regìa ad Guillaume Ivernel e 'd Arthur Qwak
- 2008 - Encore une nuit de merde dans cette ville pourrie, regìa 'd Edouard Rose
- 2009 - 8th Wonderland, regìa ad Nicolas Alberny e 'd Jean Mach
- 2009 - Bloody Flowers, regìa ad Richard J. Thompson
- 2009 - Lacoma, regìa ad Christopher Roth
- 2013 - Jodorowsky's dune, regìa ad Frank Pavich
- 2017 - Metti una notte, regìa ad Cosimo Messeri