C'l artìcul chè 'l è scrit in Miranduléś Emiliàn

Jacob's Ladder
Allucinazione perversa

Tim Robbins in na figùra dal film
Alucinasiòṅ parvèrsa
1990
Regìa: Adrian Lyne
Scritōr: Bruce Joel Rubin
Atōr: Tim RobbinsElizabeth PeñaDanny Aiello
Macaulay CulkinMatt CravenPruitt Taylor Vince
Jason AlexanderEriq La SalleVing Rhames
Kyle GassPatricia KalemberBrian Tarantina
Müsica: Maurice Jarre
Léngua: Ingléś
Dürä dal film: 115 minüt
Nasiōṅ: Stat Unî


«
Al quèl più spavintóś d'l arbgàt ad Jacob 'l è ch'al n è mia adrē a insuniàr-'s-al.»
(Tagline dal film)


Allucinazione perversa (Alucinasiòṅ parvèrsa) 'l è 'n film dramàtic dal 1990 'd Adrian Lyne, scrit e prudót par Bruce Joel Rubin. 'L è custâ vint-sinc migliòṅ ad dòlar e al 'n à fat sù da piò ad vint-siē.

Sunt

Jacob Singer (Tim Robbins), dòp avér cumbatû in Vietnam in dua tut i al ciamàvan „prufesōr“, 'l à catâ da lauràr in 'n ufìsi pustàł ad New York anc s'in bisàca al gh'à na làurea in filuśufìa. La guèra e la vita i gh'aṅ sgnâ la mènt, soquànt tèmp prima 'l à anc pardû in 'n incidènt in màchina sò fiōl Gabe (Macaulay Culkin), abû da la sò èx mujér Sarah (Patricia Kalember). Adès Jacob al s è mis insém a n'atra dóna, la Jezebel (Elizabeth Peña), e al s è arfàt na vita ma 'n giōr'n al taca a 'vér di alucinasiòṅ in dua i gh vîn'n in a mènt dal figùri flashback di tèmp ad guèra.

Di agìnt dal guèr'n i al rapìs'n e i al pìcian ma pò al gh la cava listés a dascórar c'n un chìmic ciamâ Michael Newman (Matt Craven). Chi lò al gh cònta pintî ch'l iva invintâ na dròga da dar a i suldâ par far-i dvintàr più rabî in di cumbatimènt ma invéci ad cumbàt'r i vietcong i s éran mis a cupàr-as fra 'd lōr.

Culegamènt estéran