Al di là del desiderio
|
C'l artìcul chè 'l è scrit in
Miranduléś |
 Bliss
| ||
| Al di là del desiderio | ||
 La Sheryl Lee in na figùra dal film | ||
| Da 'd là da 'l deśidèri 1997 | ||
|---|---|---|
| Regìa: Lance Young | ||
| Scritōr: Lance Young | ||
| Atōr: Craig Sheffer • Sheryl Lee • Terence Stamp Casey Siemaszko • Spalding Gray • Molly Parker Leigh Taylor-Young • Lois Chiles • Peter Kelamis | ||
| Müsica: Jan A.P. Kaczmarek | ||
| Léngua: Ingléś | ||
| Dürä dal film: 103 minüt | ||
| Nasiōṅ: Stat Unî • Cànada | ||
Al di là del desiderio (Da 'd là da 'l deśidèri) 'l è 'n drama eròtic americàṅ e canadéś dal 1997 scrit e dirèt par Lance Young.
Al film 'l à fat sù dagnóra tarśènt-mila dòlar.
Sunt
La Maria (Sheryl Lee) e Joseph (Craig Sheffer) i s èṅ spuśâ da sōi siē méś ma sóta i linsōi la situasiòṅ la n è minga tant bèla. Tintànd ad giustàr al ròbi, la còpia la próa a far-as jutàr p'r al cunsulènt matrimuniàł Alfred (Spalding Gray). Durànt al prucès, 'l óm al vîṅ a savēr che sò mujēr la n à mai pruâ 'l gudiōl sèg, pròpria na bruta surpréśa. La dóna la decìd ad pruàr 'n àtar dutōr e la pasa a Baltazar (Terence Stamp), un luminàri di prubléma dal sès più vèć ad lē.
Un dè, méntar 'l è a 'l lavōr in un cantēr esénd lò architét, Joseph al decìd ad dar un òć a na còpia ch'l'è drē a gusàr in un palàs lè darènt, giùst par far cuntènt i sò muradōr. Druànd un telescòpi, Joseph al véd che la dóna impgnàda in dla ciuladìna l'è pròpria sò mujēr e l'è drē a far-al cun Baltazar in parsòna. A 'l inìsi 'l óm al s lasa andàr a l'arlìa ma pò, par via dal sò èsar curióś, al decìd ad dvintàr a sò vòlta òṅ di pasiènt dal sesuòlug ch'l al cùcia vèrs al sès ispirâ a 'l Tantra di tèmp antîg.
Finalmènt a s capìs d'in du i daśvìnan i prubléma a lèt dla Maria: da pìcula l'éra stada abuśàda par sò pàdar.