About Adam
|
C'l artìcul chè 'l è scrit in
Miranduléś |
 About Adam
| ||
| About Adam | ||
 Stuart Townsend e la Hudson in na figùra dal film | ||
| Dascurénd 'd Adam 2000 | ||
|---|---|---|
| Regìa: Gerard Stembridge | ||
| Scritōr: Gerard Stembridge | ||
| Atōr: Stuart Townsend • Kate Hudson • Alan Maher Tommy Tiernan • Frances O'Connor • Kathy Downes Charlotte Bradley • Mark Smith • Rosaleen Linehan | ||
| Müsica: Adrian Johnston | ||
| Léngua: Ingléś | ||
| Dürä dal film: 105 minüt | ||
| Nasiōṅ: Irlànda • Régn Unî • Stat Unî | ||
About Adam (Dascurénd 'd Adam) l'è na cumèdia dal 2000 ad Gerard Stembridge ch'al l'à anc scrita. L'è stada giràda a Dublîṅ.
Durànt al film la prutagunìsta Kate Hudson, fiōla dla Goldie Hawn, la canta i braṅ "The Man I Love" ad George Gershwin e dl'Ira Gershwin, "You Do Something to Me" ad Cole Porter e "All the Way" ad Sammy Cahn e ad Jimmy Van Heusen.
Sunt
La Lucy Owens (Kate Hudson) l'è na ragàsa puta ch'la canta e ch'la fà la camaréra in un bar ad Dublîṅ. La gh'à dū surèli, l’Alice (Charlotte Bradley), spuśàda cun Martin Rooney (Brendan Dempsey) e la Laura (Frances O'Connor), ch'la stùdia létri, e 'n fradèl più pìcul, David (Alan Maher). La viṿ incóra a cà 'd sò màdar Peggy (Rosaleen Linehan) parchè la n è minga bòna ad tgnir-as stric i muróś.
Un dè, méntar la canta 'n pès a 'l piano bar, a vîṅ dènt'r un ragàs ad nóm Adam (Stuart Townsend) ch'al gh fà vgnir un cōlp da 'l tant ch'al gh piàś. Quànd la pasa da 'l sò taùl par tōr gl'urdinasiòṅ, la dascór sèg e i dū i decìd'n ad védar-'s incóra. A sucéd pò ch'i dvènt'n anc muróś tant che p'r al dè dal cumpléan ad sò màdar la Lucy la diś ch'i s vōlan spuśàr. Pcâ che lò in cal mént'r al s sia fat tut i mémbar dla famìja parchè 'l è 'n buśiàrd patintâ.