A doppia mandata
|
C'l artìcul chè 'l è scrit in
Miranduléś |
 À double tour
| ||
| A doppia mandata | ||
 Belmondo e la Lualdi in na figùra dal film | ||
| A dópi gir ad ciavadùra 1959 | ||
|---|---|---|
| Regìa: Claude Chabrol | ||
| Scritōr: Stanley Ellin • Claude Chabrol • Paul Gégauff | ||
| Atōr: Jean-Paul Belmondo • Madeleine Robinson Antonella Lualdi • Bernadette Lafont • Mario David Jacques Dacqmine • László Szabó • Jeanne Valérie | ||
| Müsica: Paul Misraki | ||
| Léngua: Francéś | ||
| Dürä dal film: 110 minüt | ||
| Nasiōṅ: Frància • Itàglia | ||
A doppia mandata (A dópi gir ad ciavadùra), cgnusû anc cuma La morte chiude a doppia mandata, 'l è 'n thriller dramàtic dal 1959 ad Claude Chabrol, girâ a Aix-en-Provence, trat da 'l rumànś The Key to Nicholas Street dal scritōr americàṅ Stanley Ellin.
In Frància 'l à fat sù dagnóra un migliòṅ e mèś ad spetadōr. L'atōra Madeleine Robinson, par cla pelìcula chè, l'è stada premiàda a 'l 20śum Fèstival ad Venèsia.
Sunt
Henri Marcoux (Jacques Dacqmine), burghéś dna famìja bèṅ dla Pruvénsa, 'l è spuśâ cun la Thérèse (Madeleine Robinson) e sèg al gh'à dū fiōi, Richard (André Jocelyn) e l’Elisabeth (Jeanne Valérie), muróśa 'd László Kovács (Jean-Paul Belmondo), un ragàs screansâ e vilàṅ.
Un dè da cla banda a riva n'atōra, la Léda Mortoni (Antonella Lualdi), ch'l'è andàda a star in na vila lè darènt da di vśèṅ. Henri al pèrd la tèsta par lē e al dvènta 'l sò amànt sénsa gnanc tròp tgnir lugàda la relasiòṅ. La Thérèse la supòrta incòsa par paùra dal scàndal méntar sò fiōla la gh s arvòlta anc. László al cunìslia a Henri ad mulàr sò mujér che però la n vōl briśa dar-'g al divòrsi. Richard, dimóndi tacâ a 'l stanèli ad sò màdar, al decìd ad cupàr la Léda, pò 'l próa a misćiàr al ròbi par paràr via i suspèt.
A cumisàri 'd pulisìa (André Dino) al créd subìt ch'al sasèṅ al sia Henri.