6 gradi di separazione
|
C'l artìcul chè 'l è scrit in
Miranduléś |
 Six Degrees of Separation
| ||
| 6 gradi di separazione | ||
 La Channing, Sutherland e Will Smith in na figùra dal film | ||
| 6 grâd ad separasiòṅ 1993 | ||
|---|---|---|
| Regìa: Fred Schepisi | ||
| Scritōr: John Guare | ||
| Atōr: Stockard Channing • Donald Sutherland Will Smith • Ian McKellen • Heather Graham Bruce Davison • Richard Masur • Mary Beth Hurt Anthony Michael Hall • Eric Thal • Oz Perkins | ||
| Müsica: Jerry Goldsmith | ||
| Léngua: Ingléś • Itagliàṅ | ||
| Dürä dal film: 112 minüt | ||
| Nasiōṅ: Stat Unî | ||
6 gradi di separazione (6 grâd ad separasiòṅ) l'è na cumèdia dramàtica americàna dal 1993 ad Fred Schepisi trata da la cumèdia umònima ad John Guare ispiràda a la vita d'l artìsta dla trufa David Hampton. La prutagunìsta Stockard Channing, par cla part chè, l'è stada candidàda a i Prèmi Òscar.
La pelìcula, ch'in dal tìtul al fà riferimènt a la teurìa suciulògica di siē grâd ad separasiòṅ, l'è custàda quìndas migliòṅ ad dòlar muciànd-an sù siē e quàtar.
Sunt
Flan Kittredge (Donald Sutherland) e sò mujēr Ouisa (Stockard Channing) i èṅ di mercànt 'd art ad New York. Na sira, mént'r i èn drē a 'ndàr a séna c'n al sò amìg Geoffrey (Ian McKellen), i incróś'n un śuvnòt ad culōr frî a la pansa (Will Smith) ch'al gh diś ad ciamàr-as Paul, 'd ès'r-al fiōl ad Sidney Poitier e 'd ès'r amìg di sò fiōi ch'i stùdian a Harvard. I Kittredge i gh śibìs'n ad durmìr in dal sò apartamènt, a Central Park, e lò 'l cuśìna par lōr e 'l taca a dascórar sèg faghénd védar 'd avēr-ag na cultùra élta.
Al dè dòp però la Ouisa la 'l bèca a lèt c'n un ragàs biànc (Lou Milione) che lò 'l à fat vgnir dèntar sénsa dir-ag gnint. Arliàda e spavintàda, la dóna e sò marè i al càsan via. In séguit la còpia la vîṅ a savēr da di sò amìg, Larkin (Bruce Davison), la Kitty (Mary Beth Hurt) mo anc al dutōr Fine (Richard Masur), ch'al śuvnòt 'l è 'n cuntabàli, ch'al s aprufìta dla gint cun di bèsi par far la bèla vita.