41 anni vergine
|
C'l artìcul chè 'l è scrit in
Miranduléś |
 The 41-Year-Old VirginWho Knocked Up Sarah Marshall and Felt Superbad About It | ||
| 41 anni vergine | ||
 Sims, Nicholas e M. Scott in na figùra dal film | ||
| 41 an vìrgin 2010 | ||
|---|---|---|
| Regìa: Craig Moss | ||
| Scritōr: Craig Moss • Brad Kaaya | ||
| Atōr: Bryan Callen • Stephen Kramer Glickman Noureen DeWulf • Eric Tiede • Mircea Monroe Steven Nicholas • Frank Maharajh • Steven Sims J.R. Starr • Austin Michael Scott • Matt Crabtree | ||
| Müsica: Todd Haberman | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî | ||
41 anni vergine (41 an vìrgin) l'è na cumèdia vulgaròta americàna dal 2010 ad Craig Moss vgnuda fóra diretamènt p'r al marcâ d'l home video.
A s trata dna parudìa ad soquànti pelìculi da rìdar cuma 40 anni vergine, Suxbad - Tre menti sopra il pelo, Molto incinta, Non mi scaricare e Il curioso caso di Benjamin Button.
Sunt
Andy (Bryan Callen) al gh'à quarantùn an e 'l gh'à 'n prubléma: 'l è incóra vìrgin e al n s è mai fat gnanc na pugnéta. Al spartìs 'l apartamènt cun tri studènt: Michael (Steven Nicholas), McCasincûl (Austin Michael Scott) e a Jonah (Steven Sims), un ciciòṅ ch'al pénsa sōl a 'l sès.
Un dè, mént'r al dascór a tavla insém a Jonah c'n i sò amìg Seth (Stephen Kramer Glickman) e Sanjay (Frank Maharajh) a salta fóra ch'al n à mai gusâ in tuta la sò vita e 'n vèć ciamâ Blaqguy (J.R. Starr) al gh dà di cunsìli da druàr cun cal dóni. Dòp ès'r andâ a far-as cavàr via i pēi da 'l pèt, ch'al gh'à na furèsta, Andy al cgnós na biónda a 'l bar, la Sarah (Mircea Monroe), ch'la decìd 'd andàr a cà sèg ma durànt al viàś la gh'à 'n atàc ad gòmit ch'l'inspultìs dapartùt. Chi lē l'armàgn pò insìnta gusànd bindàda c'n un Blaqguy sèmpar più śōvan (Marque Richardson) anc se pò la créd ch'al putèṅ al sia 'd Andy.
Quànd finalmènt Andy al cata na dóna da purtàr-'s a lèt, la Kim (Noureen DeWulf), a gh'è 'n àtar prubléma: 'l è 'd un pîṅ che quànd al vîṅ al in fà ch'al in fà.