38 testimoni
|
C'l artìcul chè 'l è scrit in
Miranduléś |
 38 témoins
| ||
| 38 testimoni | ||
 La Sophie Quinton in na figùra dal film | ||
| 38 testimòni 2012 | ||
|---|---|---|
| Regìa: Lucas Belvaux | ||
| Scritōr: Lucas Belvaux • Didier Decoin | ||
| Atōr: Philippe Résimont • Sébastien Libessart Yvan Attal • Sophie Quinton • Natacha Régnier Nicole Garcia • Pierre Rochefort • Didier Sandre | ||
| Müsica: Arne Van Dongen | ||
| Léngua: Francéś • Ingléś | ||
| Dürä dal film: 104 minüt | ||
| Nasiōṅ: Frància • Bélgi | ||
38 testimoni (38 testimòni) 'l è 'n film dramàtic francéś e bélgi dal 2012 ad Lucas Belvaux ch'al tōś ispirasiòṅ da 'l rumànś “Est-ce ainsi que les femmes meurent?” ad Didier Decoin.
Par la senegiadùra 'd cla pelìcula chè, custàda sèt migliòṅ ad dòlar a 'l incìrca, al regìsta Lucas Belvaux 'l è stâ premiâ a i Magritte Awards dal 2013.
Sunt
Méntar la Louise Morvand (Sophie Quinton) l'è in Cina par lavōr, in dal sò palàs a Le Havre, in du la viṿ cun sò marè Pierre (Yvan Attal), a vîṅ masàda a scurtlàdi na pòvra ragàsa 'd nòt. I trént'òt abitànt dal cundumìni i còntan tut a 'l capitàṅ ad pulisìa Léonard (François Feroleto) ch'i n aṅ sintî e vdû gnint ma l'è tuta na bala parchè la śōvna l'iva sigâ dimóndi prima 'd murìr. Tut i tàśan p'r a n èsar minga insaplâ in un caś 'd umisìdi ch'a s sà quànd a s taca e minga quànd a s finìs. Anc Pierre a 'l inìsi al mintìs pruànd a far-'s i cas suo ma pò al s sènt in cólpa e, andànd in a risć ad far-as nemìg chi àtar trénta-sèt, al cònta la véra a 'l prucuradōr Lacourt (Didier Sandre). La sò vśina 'd cà Anne (Natacha Régnier), ch'la gh'à na fiōla pìcula da tiràr sù, la gh mòla 'n sćiafòṅ in dal grugn.
Na giurnalìsta ciamàda Sylvie Loriot (Nicole Garcia) la taca a scrìvar 'n artìcul su 'l masamènt méntar la Louise la s śluntàna da sò marè.