Uno per tutte
|
C'l artìcul chè 'l è scrit in
Miranduléś |
 Sólo con tu pareja
| ||
| Uno per tutte | ||
 Giménez Cacho e la Maillé in na figùra dal film | ||
| Òṅ par tuti 1991 | ||
|---|---|---|
| Regìa: Alfonso Cuarón | ||
| Scritōr: Carlos Cuarón • Alfonso Cuarón | ||
| Atōr: Daniel Giménez Cacho • Dobrina Cristeva Claudia Ramírez • Luis de Icaza • Astrid Hadad Isabel Benet • Ricardo Dalmacci • John Keys | ||
| Müsica: Carlos Warman | ||
| Léngua: Spagnōl • Ingléś • Giapunéś • Latìn | ||
| Dürä dal film: 93 minüt | ||
| Nasiōṅ: Mèsic | ||
Uno per tutte (Òṅ par tuti) l'è na cumèdia dal 1991 'd Alfonso Cuarón, chè a 'l sò debùt cuma regìsta.
Sunt
Tomás Tomás (Daniel Giménez Cacho) 'l è 'n mesicàṅ put ch'ad mistēr al gh'à da catàr di ślògan p'r al reclàm ma 'l è anc 'n dunarōl dimóndi purcùs. Al lavóra par l'agensìa dla Gloria Gold (Isabel Benet) e 'l è tant inùtil dir ch'al s la gusa anc ma al fà acsè cun tut al dóni ch'i gh s pàran davànti, cuma la spóśa Burbus (Claudette Maillé), in dal dè dal sò matrimòni, o l'infarméra Silvia Silva (Dobrina Liubomirova) ch'la lavóra in dal studi dal sò dutōr Mateo Mateos (Luis de Icaza), vśèṅ ad cà.
Adès Tomás 'l à butâ 'l òć su n'atra vśina ch'la stà in dl'apartamènt darènt a 'l suo e ch'la fà 'l hostess, la Clarisa Negrete (Claudia Ramírez). Ma la Silvia, ch'l'à capî tard la sò natùra malnéta ad squasa-marléti, la s vōl vindicàr ad lò anc parchè al n l'à minga ciulàda bèṅ e la gh fà crédar ch'al s è bcâ 'l AIDS. Tomás al pénsa 'd tōr-as la vita ma par furtùna ch'a gh'è la Clarisa. Anc chi lē l'iva pinsâ ad far àtar tant parchè al sò muróś al gh'iva mis i còran cun na dóna, fra 'l àtar, ch'la lauràva par na cumpagnìa 'd aparéć difarènta da la sua.
Dòp avér pinsâ ad butàr-as śò da na tór ad Sità dal Mèsic, i dū i càmb'n idéa, i gùsan e pò i decìd'n ad spuśàr-as dòp che la Silvia e Mateo i gh'aṅ dit che la stòria d'l AIDS l'éra tuta na burla.