Una lucertola con la pelle di donna

C'l artìcul chè 'l è scrit in Miranduléś Emiliàn

Una lucertola con la pelle di donna

Kennedy e la Penny Brown in na figùra dal film
Un nigrōl cun la pèl ad dóna
1971
Regìa: Lucio Fulci
Scritōr: Lucio Fulci • Roberto Gianviti
José Luis Martinez Molla • André Tranché
Atōr: Florinda BolkanJean SorelStanley Baker
Anita StrindbergLeo GennAlberto de Mendoza
Mike KennedyPenny BrownEly Galleani
George RigaudEzio MaranoFranco Balducci
Silvia MontiErzsi PaálGaetano Imbró
Müsica: Ennio Morricone
Léngua: Itagliàṅ
Dürä dal film: 99 minüt
Nasiōṅ: ItàgliaFrànciaSpaggna


«
Un terōr ch'al mòrśga e ch'al róśga al s tacarà a 'l tò sarvèl!»
(Tagline dal film)


Una lucertola con la pelle di donna (Un nigrōl cun la pèl ad dóna) 'l è 'n film śal dal 1971 ad Lucio Fulci.

'L è cgnusû anc par na séna in dua la Florinda Bolkan la vèra 'n us e la cata da cl'atra banda na cambra pîna ad caṅ śbudlâ ma incóra viṿ, tgnû stric cun dal lasi, ch'i éran lè par di esperimènt. Cardénd ch'a fus tut véra, quéi dl'asuciasiòṅ par la prutesiòṅ dal bèsti i aṅ purtâ Fulci in tribunàl par far-ag un prucès. Al tècnic di efèt speciài Carlo Rambaldi 'l è stâ custrét a purtàr là i sò putòć par far véd'r a i giùdas ch'l éra sōl un truc e par salvàr Lucio da na cundàna pusìbla a dū an ad parśòṅ. L'è stada la prima vòlta ch'in dla stòria dal cìnema 'l è sucès un fat dal gènar.

Sunt

La Carol Brighton (Florinda Bolkan) l'è na dóna burghéśa ch'la viṿ a Lóndra e l'è pîna ad bèsi parchè l'è la fiōla 'd un avucàt ch'al vrév tacàr na caréra pulìtica, Edmond (Leo Genn). L'è spuśàda cun Frank Hammond (Jean Sorel), 'n avucàt anca lò ch'al gh'à na fiōla, la Joan (Edy Galleani).

La Carol la taca a 'ndàr da 'n psicanalìsta, al Dr. Kerr (George Rigaud), parchè ad nòt la gh'à da spés di arbgàt in dua la s insóggna ad far 'l amōr cun n'atra dóna sò vśina ad cà, la Julia Durer (Anita Strindberg), na visióśa ch'la n s fà minga di prubléma a giràr in di brut ambînt. Durànt òṅ ad chi sógn lè, la Carol la gh cònta ch'la l'à masàda a scurtlàdi sóta i òć ad dū fiōi di fiōr imbambî p'r avér tòlt dla dròga. A sucéd pò che dū dè dòp ch'la dóna là la vèṅ catàda dabòṅ masàda cuma dit da lē e lè davśèṅ i pulisiòt i càt'n anc la sò plìsa. Scotland Yard al taca a indagàr mandànd-ag 'l ispetōr Corvin (Stanley Baker) e la Carol la gh'à tut i òć adòs.

Lasàda fóra da parśòṅ parchè i suo i pàgan la causiòṅ, chi lē la và in a risć 'd èsar cupàda p'r òpra 'd Hubert (Mike Kennedy), òṅ di dū hippie che cal dè là i ìvan guardâ 'l umisìdi dla Julia stand da drē da la ringhéra dal scali.

I suspèt, in cal méntar, i èṅ dirèt tut cóntar sò marè, ch'l iva lśû i sò apûnt e par cal mutìṿ lè 'l arév psû cupàr-la cuma in d'l arbgàt ad sò mujér, ma pò al s masa sò pàdar ch'al s tōś la cólpa lò.

Culegamènt estéran