Un mondo di marionette
|
C'l artìcul chè 'l è scrit in
Miranduléś |
 Aus dem Leben der Marionetten
| ||
| Un mondo di marionette | ||
 La Ruth Olafs e la Buchegger in na figùra dal film | ||
| Un mónd ad mariunéti 1980 | ||
|---|---|---|
| Regìa: Ingmar Bergman | ||
| Scritōr: Ingmar Bergman | ||
| Atōr: Robert Atzorn • Christine Buchegger Martin Benrath • Rita Russek • Heinz Bennent Lola Müthel • Walter Schmidinger • Gaby Dohm | ||
| Müsica: Rolf A. Wilhelm | ||
| Léngua: Tedésc | ||
| Dürä dal film: 104 minüt | ||
| Nasiōṅ: Germàgna Òvest • Àustria | ||
Un mondo di marionette (Un mónd ad mariunéti) 'l è 'n film dramàtic tedésc e austrìac par la televiśiòṅ dal 1980, scrit e dirèt p'r Ingmar Bergman cun di atōr dal Bavaria Film Studios.
La pelìcula l'è giràda in biànc e nég'r a par 'l inìsi e la fiṅ ch'i èṅ a culōr.
Sunt
Peter Egerman (Robert Atzorn) al gh'à tut in dla vita, un bel lavōr, di bèsi, na puśisiòṅ e na mujēr ciamàda Katarina (Christine Buchegger). Un dè, sénsa gnanc un mutìṿ, al cópa la Katarina Krafft (Rita Russek), putàna ad mistēr, e pò 'l incùla 'l cadàvar.
Vint óri dòp 'n investigadōr dla pulisìa (Karl Heinz Pelser) al và a far dal dmandi a 'l sò psicòlug, al dutōr Mogens Jensen (Martin Benrath), che però al n è briśa bòṅ ad tiràr fóra dal spiegasiòṅ su 'l sò cumpurtamènt malâ anc se dū stmani prima dal masamènt chi lò al gh'iva cuntâ ch'l arév vlû far fóra sò mujēr. Al mèdag 'l iva alóra cunsiliâ a la dóna, ch'ad nascòst al s purtàva a lèt, ad śluntanàr-as via p'r un pôc. Peter però 'l iva sintî la cunversasiòṅ fra i dū.
Anc la màdar dal sasèṅ, la Cordelia (Lola Müthel), la gh'éra armàśa a sintìr qvél ch'l iva fat Peter. Anc par lē al śōvan 'l éra 'n tisi a mōd.