Un gioco da ragazze (film)
|
C'l artìcul chè 'l è scrit in
Miranduléś |
 Un gioco da ragazze
| ||
 La Chiara Chiti e Filippo Nigro in na figùra dal film | ||
| Un śōg da ragàsi 2008 | ||
|---|---|---|
| Regìa: Matteo Rovere | ||
| Scritōr: Andrea Cotti • Matteo Rovere Teresa Ciabatti • Sandrone Dazieri | ||
| Atōr: Chiara Chiti • Filippo Nigro • Nadir Caselli Desirèe Noferini • Chiara Paoli • Valeria Milillo Stefano Santospago • Elisabetta Piccolomini Giorgio Corcos • Franco Olivero • Diana Albo | ||
| Müsica: Andrea Farri | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Un gioco da ragazze (Un śōg da ragàsi) 'l è 'n film dramàtic dal 2008 ad Matteo Rovere, chè a 'l sò debùt a la regìa. La pelìcula l'è stada preśentàda in cuncōrs a la tèrsa edisiòṅ dal Fèstival internasiunàł dal film ad Róma e l'è trada da 'l rumànś umònim 'd Andrea Cotti.
Cl'òpra chè l'è stada giràda a Róma e a Lucca.
Sunt
L’Elena Chiantini (Chiara Chiti) l'è na ragàsa pîna 'd bèsi e dimóndi ma dimóndi visiàda parchè sò pàdar Lorenzo (Stefano Santospago) e sò màdar Matilde (Valeria Milillo) i gh'aṅ sèmpar fat far qvél ch'a gh parìva. La śuvnòta la gh'à dū amìghi ch'i vàn'n a scōla sèg e ch'i èṅ śbucàdi cumpàgn a lē e ch'i téndan sèmp'r a far qvél ch'la gh diś, la Michela Ricasoli (Desirèe Noferini) e l’Alice Paoletti (Nadir Caselli), dū malnéti ch'i pénsan sōl a gusàr-as di masć in discutéca e a tgnir adrē a qvél ch'i dìśan la Kate Moss e la Paris Hilton. Dal vòlti a và fóra sèg anc la Livia Cerulli (Chiara Paoli), na ragàsa cumplesàda ch'la gh'à 'n prubléma sōl in dla vita, la n sà mai cuśa mét'r-as p'r al fèsti.
L’Elena la gh cata gust a dar adòs a chi atri studènti puvràsi, sfigàdi o ch'a gh piàś studiàr cuma la pòvra Martina (Cecilia Carponi), batsàda cuma una ch'a gh piàś alcàr al fighi, ch'la patìs na lesiòṅ a baś 'd àqua ślada sóta la dócia parchè la s è parmìsa 'd cuntàr a 'l prèsid (Marco Siciliano) che lē la fuma in clas. Ma l’Elena la gh l'à anc c'n al prufesōr nóṿ 'd Itagliàṅ, Mario Landi (Filippo Nigro), e la decìd ad ruinàr-ag la vita.
Quànd i sò genitōr i falìsan, la Livia la próa a tōr-as la vita tajànd-'s al véni di bras ma i suo i la sàlv'n in tèmp. 'L è lè ch'l’Elena la fà védar cum l'è dabòṅ, na ragàsa ch'a n gh in ciàva gnint ad chi àtar, ch'la pénsa sōl par lē.