Tutto su mia madre
|
C'l artìcul chè 'l è scrit in
Miranduléś |
 Todo sobre mi madre
| ||
| Tutto su mia madre | ||
 La Penélope Cruz e la Roth in na figùra dal film | ||
| Tut su mè màdar 1999 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar | ||
| Atōr: Cecilia Roth • Marisa Paredes • Toni Cantó Penélope Cruz • Eloy Azorín • Rosa Maria Sardà Candela Peña • Manuel Morón • Michel Ruben Antonia San Juan • Fernando Fernán Gómez Carlos Lozano • Carme Fortuny • Yael Barnatán | ||
| Müsica: Alberto Iglesias | ||
| Léngua: Spagnōl • Catalàṅ | ||
| Dürä dal film: 101 minüt | ||
| Nasiōṅ: Spaggna • Frància | ||
Tutto su mia madre (Tut su mè màdar) 'l è 'n film dramàtic dal 1999 ad Pedro Almodóvar ch'l à vins al prèmi par la mijór regìa a 'l Fèstival ad Cannes ad c'l an lè e 'l Prèmi Òscar dal 2000 p'r al mijór film furastēr.
In Itàglia 'l è vgnû fóra al 17 ad Setémbar dal 1999.
Sunt
In dal dè dal cumpléan ad sò fiōl Esteban (Eloy Azorin), la Manuela (Cecilia Roth) la 'l pòrta sèg a véd'r a teàtar la pièce "Un tram ch'al s ciàma deśidèri" in dua la rècita la Huma Rojo (Marisa Paredes), n'atōra ch'a lò a gh piàś dimóndi. Finî al spetàcul, durànt na nòt in dua a piōṿ che Dio al la manda, Esteban al gh cur adrē par far-as far 'n autògraf ma al vèṅ mis sóta da na màchina a 'n incrōś e al mōr. Manuela la decìd alóra ad lasàr Madrid p'r andàr a pascàr al pàdar ad sò fiōl a Barcelóna. Adès al fà al trans e al tira avànti baténd i marciapē cun al nóm ad Lola (Toni Cantó). La Manuela la n iva mai dit a Esteban chi al fus sò pàdar dabòṅ e a lò al gh'éra sèmpar rincarsû.
Rivàda in Catalógna, la dóna la cata subìt un sò amìg dna vòlta, Agrado (Antonia San Juan), anca lò un trans che par scampàr al fà la putàna, e la cgnós la sōra Rosa (Penélope Cruz) ch'l'è drē a partìr p'r al misiòṅ anc s'l'è sierupuśitìva e la gh'à 'd avér fiōl anca lē da la Lola.