The Road to Guantanamo
|
C'l artìcul chè 'l è scrit in
Miranduléś |
 The Road to Guantanamo
| ||
 Farhad Harun in na figùra dal film | ||
| La strada par Guantànamo 2006 | ||
|---|---|---|
| Regìa: Mat Whitecross • Michael Winterbottom | ||
| Scritōr: Michael Winterbottom | ||
| Atōr: Riz Ahmed • Farhad Harun • Arfan Usman Waqar Siddiqui • Shahid Iqbal • Sher Khan Jason Salkey • William Meredith • Adam James | ||
| Müsica: Harry Escott • Molly Nyman | ||
| Léngua: Ingléś • Urdu | ||
| Dürä dal film: 95 minüt | ||
| Nasiōṅ: Régn Unî | ||
The Road to Guantanamo (La strada par Guantànamo) 'l è 'n ducumentàri 'd guèra britànic dal 2006 'd Mat Whitecross e ad Michael Winterbottom, regìsti premiâ cun 'l “Ōrs 'd Argìnt” a 'l 56śum Fèstival ad Berlîṅ.
'L à fat sù un migliòṅ e mèś ad dòlar in tut al mónd.
Sunt
Ruhal Ahmed (Farhad Harun), Asif Iqbal (Arfan Usman), Monir (Waqar Siddiqui) e Shafiq Rasul (Riz Ahmed) i èṅ tri amìg ad Tipton, darènt a Birmingham, cun di urìgini pakistàni e bengaléśi. In dal Setémbar dal 2001 i decìdan 'd andàr in Pàkistan parchè la famìja 'd Asif la gh'à catâ la mujēr. Rivâ a Karachi, i decìdan 'd andàr a far na scapàda in Afganìstan. A sém in d'l Utóbar dal 2001 pròpria quànd al trupi americàni i s càtan là par la guèra cónt'r al regìm talibàṅ e Osama bin Laden.
Dòp un méś pasâ a Kabùl sénsa far gnint, i quàt'r i decìd'n ad turnàr in Pàkistan ma, lung la via, i vìnan ciapâ da i óm d'l Aleànsa dal Nòrd e pò cunsgnâ a gl'americàṅ cuma suspèt talibàṅ, tut a part Monir ch'al n s cata piò e ch'l è fàcil al sia mòrt sóta i bumbardamènt. I tri i vìnan pò purtâ in dla baś ad Guantànamo p'r ès'r interugâ. In cal méntar i èṅ custrét a vìv'r in gabi cuma dal bèsti.
I pàs'n i méś ma i tri i cuntìnuan a dir ch'i n gh'èntran gnint c'n i talibàṅ. Sōl dimóndi tèmp dòp a salta fóra la véra, ch'i èṅ inusènt dabòṅ.