The Devil's Double
|
C'l artìcul chè 'l è scrit in
Miranduléś |
 The Devil's Double
| ||
 Dominic Cooper in na figùra dal film | ||
| Al dupiòṅ dal Diàvul 2011 | ||
|---|---|---|
| Regìa: Lee Tamahori | ||
| Scritōr: Michael Thomas • Latif Yahia | ||
| Atōr: Dominic Cooper • Ludivine Sagnier • Akin Gazi Raad Rawi • Philip Quast • Khalid Laith • Dar Salim Mimoun Oaïssa • Nasser Memarzia • Mem Ferda Pano Masti • Amber Rose Revah • Jamie Harding | ||
| Müsica: Christian Henson | ||
| Léngua: Ingléś • Àrab | ||
| Dürä dal film: 109 minüt | ||
| Nasiōṅ: Bélgi • Ulànda | ||
The Devil's Double (Al dupiòṅ dal Diàvul) 'l è 'n film dramàtic e biugràfic bélgi e ulandéś dal 2011 ad Lee Tamahori ch'al cònta la vita ad Latif Yahia, al sòśia dal fiōl ad Saddam Hussein, Uday.
La pelìcula, preśentàda a 'l 27śum Sundance Film Festival e giràda a Malta e in Giurdàgna, l'è custàda da piò ad daśnóṿ migliòṅ ad dòlar faghénd-an pò sù gnanc sinc.
Sunt
Dòp avēr cumbatû in dla guèra cóntar 'l Iràn, in dal 1987 al suldâ irachèṅ Latif Yahia (Dominic Cooper) al vîṅ ciamâ a Bagdàd p'r al fiōl più grand ad Saddam Hussein (Philip Quast), Uday (Dominic Cooper), dòp che da pìcui i ìvan studiâ insém. Chi lò 'l al custrìnś a dvintàr al sò sòśia parchè al gh sumìlia dimóndi, un quèl ch'a gh fà còmad par di mutìṿ ad sicurésa.
Tri an dòp 'l Iràq al taca na guèra cónt'r al Kuwait e Uday al diś tut cuntènt ch' «al tèmp di sieìc 'l è finî!». Al prìnsip al s dròga, al và in gir in Ferrari, al vistìs Armani, al turtùra la gint e 'l rapìs dal ragasōli da gusàr-as. Latif al fà sèmpar più fadìga a cumpatìr-'s ad lauràr par lò ma 'l n pōl far gnint o sinò Uday al la farà pagàr a la sò famìja. In dla stésa sò cundisiòṅ a gh'è anc na ragàsa amànta malvluntéra dal fiōl ad Saddam, la Sarrab (Ludivine Sagnier), ch'ad nascòst però la và a lèt anc cun Latif.
Un dè i dū i decìd'n ad scapàr via, rivànd insém a Malta.