C'l artìcul chè 'l è scrit in Miranduléś Emiliàn

Cimarosa in dal film “Milano rovente” dal 1973


Tano Cimarosa (Messìna, 1 ad Śnar dal 1922 / Messìna, 24 ad Maǵ dal 2008) 'l è stâ 'n senegiadōr, regìsta e atōr sicigliàṅ. Al sò nóm véra 'l è Gaetano Cisco.

Biugrafìa

Fradèl cgnusû ad manc rispèt a gl'atór Michele e Giovanni, da la Sicìglia al và a star a Róma in dua in di prim an Sinquànta al taca la caréra da atōr anc lò, faghénd da spés la part dal sicigliàṅ mèdi.

La sò prima part impurtànta l'è quéla dal mafiōś Zecchinetta in dal film Il giorno della civetta (Al dè dla sivéta) dirèt in dal 1967 par Damiano Damiani. In séguit al lavóra insém a Alberto Sordi faghénd un pàdar cun dimóndi fiōi in Il medico della mutua (Al mèdag dla mutṿa), 'n itagliàṅ a 'l èstar par lavuràr in Bello, onesto, emigrato Australia sposerebbe compaesana illibata (Bèl, unèst, andâ in Austràglia par lavōr al spuśarév na dóna dal sò bandi incóra vìgin) e par finìr na guàrdia dna parśòṅ in Detenuto in attesa di giudizio (Imparśunâ ch'al spéta 'l sò giudìsi).

In di an Stanta al próa anc a far di film par sò cònt: al thriller-eròtic Il vizio ha le calze nere (Al visi al gh'à i calsét négar, 1975), la pelìcula dal gènar “pulisiòt” No alla violenza (Nò a la viulénsa, 1977) e Uomini di parola (Óm ad paròla, 1981). Cal film chè al dascór dla mafia e 'l è stâ girâ in dal mesinéś.

Da la fiṅ di an Utànta al s è vdû da spés in di film ad Giuseppe Tornatore (Nuovo cinema Paradiso, L'uomo delle stelle e Una pura formalità).

Filmugrafìa

da atōr

da regìsta

Culegamènt estéran