Tacchi a spillo
|
C'l artìcul chè 'l è scrit in
Miranduléś |
 Tacones lejanos
| ||
| Tacchi a spillo | ||
 La Victoria Abril e la Paredes in na figùra dal film | ||
| Tac a gùcia 1991 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar | ||
| Atōr: Victoria Abril • Marisa Paredes • Miguel Bosé Javier Bardem • Nacho Martínez • Anna Lizaran Féodor Atkine • Bibiana Fernández • Lupe Barrado | ||
| Müsica: Ryuichi Sakamoto | ||
| Léngua: Spagnōl | ||
| Dürä dal film: 112 minüt | ||
| Nasiōṅ: Spaggna • Frància | ||
Tacchi a spillo (Tac a gùcia) 'l è 'n film dal 1991 ad Pedro Almodóvar prudót par sò fradèl Agustín.
La pelìcula, ch'la mìsćia insém cumèdia, śal e drama, l'à vins in dal 1993 al Prèmi César cuma mijór film furastēr.
Sunt
La Rebecca (Victoria Abril) la lavóra lśénd al nutìsi a 'l telegiurnàl par na televiśiòṅ ad sò marè Manuel (Féodor Atkine) ch'l è stâ na vòlta anc 'l amànt ad sò màdar, la cantànta Becky del Páramo (Marisa Paredes). 'L óm al n sà minga però che una l'è la fiōla ad cl'atra.
Dòp quìnd'ś an pasâ in Mèsic, la Becky la tórna a Madrid par recitàr e par risólvar soquànt prubléma lasâ in suspéś in alóra cuma al sò rapòrt cun la Rebecca. Rivàda in Spaggna, la cantànta la và a snar cun sò fiōla e cun sò śéndar e pò i vàn'n a védar un spetàcul dal travistî Femme Letal (Miguel Bosé), in dla vita ad tut i dè al giùdas Domínguez, ch'al la ìmita. La Rebecca la gh diś che quànd la sintìva la sò mancànsa, la 'l andàva a védar da par lē.
Ma 'l ròbi fra i dū spōś i n vànan minga tant bèṅ e Manuel al gh próa incóra cun la Becky, dgénd-ag ch'al vrév divursiàr da la Rebecca, ma lē la n gh astà mia.
Na nòt però Manuel al vèṅ catâ mòrt in dal sò chalet. Domínguez al s fà càrag dal caś quànd la Rebecca la s tōś tuta la cólpa lē cunfesànd-al da 'l viṿ in televisiòṅ. Ma chi lò, ch'l à fat anc sès sèg vistî da fémna, al n ag créd briśa.