Spetters
|
C'l artìcul chè 'l è scrit in
Miranduléś |
 Spetters
| ||
 Rutger Hauer in na figùra dal film | ||
| Śguìs 1980 | ||
|---|---|---|
| Regìa: Paul Verhoeven | ||
| Scritōr: Gerard Soeteman • Jan Wolkers | ||
| Atōr: Hans van Tongeren • Renée Soutendijk Toon Agterberg • Jeroen Krabbé • Rutger Hauer | ||
| Müsica: Ton Scherpenzeel | ||
| Léngua: Ulandéś | ||
| Dürä dal film: 120 minüt | ||
| Nasiōṅ: Ulànda | ||
Spetters (Śguìs) 'l è 'n film dramàtic dal 1980 ad Paul Verhoeven, dimóndi vist in Ulànda c'n un migliòṅ e sènt-mila spetadōr e pasa.
La versiòn itagliàna la pōl cuntàr su i diàlug dal scritōr arśàṅ Pier Vittorio Tondelli.
Sunt
Eef (Toon Agterberg), Hans (Maarten Spanjer) e Rien (Hans van Tongeren) i èṅ tri amìg śōvan ch'i vìv'n in un quartēr lòfi 'd Rotterdam in du i fànan gl'uperàj. Tut tri i gh'aṅ na pasiòṅ fóra dal cumùn p'r al motocross, specialmènt p'r al campiòṅ Gerrit Witkamp (Rutger Hauer), ma anc par na biónda malnéta ciamàda Fientje (Renée Soutendijk) ch'insém a sò fradèl la gh'à 'n chiòsc ch'al vénd dal magnàr frit da purtàr via. I ragàs i s la tìtgan.
In séguit Rien 'l armàgn paraliśâ dòp 'n incidènt in mòta e 'l decìd ad tōr-as la vita mént'r Eef al capìs 'd ès'r un fnòć dòp èsar stâ viulentâ. La Fientje la vòlta paśna vrénd un pub da par lē.