Nottingham
|
C'l artìcul chè 'l è scrit in
Miranduléś |
Nottingham (a s lèś /ˈnɒtɪŋəm/ in ingléś, scólta'l chè) l'è na sità dal Régn Unî ch'la s cata in dal sèntar dl'Inghiltèra in dla regiòṅ dal Midlands Urientàli in dla cuntèa ad Nottinghamshire.
La sità, ligàda a la legénda 'd Robin Hood, la ténd a vutàr p'r i laburìsta e l'è famóśa p'r al sò bicicléti (Raleigh) e par 'l indùstria dal sigaréti. L'è stada batśàda cuma “Sità dla Literadùra” da qvéi d'l UNESCO. P'r al sò sèntar stòrig a gh pasa 'l fiùm Leen mént'r a sud a gh 'n è 'n àtar, al Trent.
La sò pupulasiòṅ l'è 'd tarśènt-vintmìla abitànt a 'l incìrca (2015) e la s divìd in un 71,5% ad biànc, un 13,1% 'd aśiàtic, un 7,3% ad négar, un 6,7% ad rasi misći e 'n 1,5% 'd atri rasi.