Alice in Chains

Artéccol in dialètt mudnés

Gl'Alice in Chains (Aliśa in cadéni) i èṅ un grup rock americàṅ nâ a Seattle in dal 1987. I èṅ, insém a Nirvana, Pearl Jam e Soundgarden, una dal bandi più famóśi dal gir dal grunge americàṅ. Però, a difarénsa ad chiàtar, la mùśica di Alice in Chains la ténd da piò vèrs 'l Heavy metal ch'al punk rock o al rock psichedèlic. Quél ch'a i tèṅ unî al grunge i èṅ gl'urìgini (la sità ad Seattle, in dal Stat ad Washington) e i tèst tratâ, cun di téma intruspètiṿ e anc trist.

Articul in Miranduleś

«

Into the flood again, same old trip it was back then, so I made a big mistake try to see it once my way. Am I wrong? Have I run too far to get home? Have I gone? And left you here alone, if I would, could you?...»

(EN)(Would?, 1992)

«

Incóra in dal dilùvi, al sòlit vèć viàś ch'al tórna indrē, acsè a-j-ò fat un sbàli gigantésc, a próṿ a védar par na vòlta a la mè manéra. Sòṅ-j-a drē a sbaliàr? ò-j-a curs tròp luntàṅ par psér turnàr a cà? Sòṅ-j-a andâ via? E a t ò lasâ da par tè, s a'l vlis, prév-at?...»

(MUD)

Gl'Alice in Chains in dal 2007

Biugrafìa

Al lógo di Alice in Chains

Gl'Inisi

Al grup al s fórma in dal 1987 dal séndri di Alice N' Chainz e Diamond Lie: Layne Staley 'l è al cantànt, Jerry Cantrell al chitarìsta, Sean Kinney al baterìsta e Mike Starr al basìsta. Al prim cuntàt 'l è cun la Columbia Records in dal 1989. In dal Luj dal 1990 a vèṅ fóra al prim EP We Die Young (Nuàtar a murém śóvan) cun al braṅ ch'a gh dà al tìtul ch'al dvèṅ pupulàr in dal raddio ch'i traśmétan 'l heavy metal.

«

Another alley trip, bullet seek the place to bend you over then you got hit and you shoulda known better, faster we run and we die young...»

(EN)(We die young, 1990)

«

'N àtar viàś in di vìcui, la palótula la pésca 'n àtar pòst par pigàr-at pò 't vèṅ culpî e at gh'arés da savér-al méj, a curém più fòrt e murém śóvan...»

(MUD)