Scarpasòun: differenze tra le versioni

Desfêr insém'al fôgh al grâs dal persót cun l'àj schisê e i sigulôt tridê insèm ai gâmb. Zuntê l’ôli e al butêr e, dôp che i sigulôt a’srân gnû pâs sèinsa strinêri, unî i spinâs che préma î côt e strichê. Lassê insavurîr cun al sêl e al pèiver. Quând al tót al srà dvintê frèd, tulî via l'àj, zuntê al j-erbòuni tridêdi fîn e al Grâna. Preparê la pâsta e, dôp avèirla fâta arpunsêr per mèz'ôra, dividîla in dòu pêrti. Tirê ‘na pêrta cun la canèla, punsêla ind al stâmp bsuntê cun l’ôli e vudêgh al pèst. Tirê cl'êtra pêrta pió sutîla ‘d la préma, infarinêla e arvuiêla ind la canèla, ânca lê infarinêda: strichê al dòu estremitèe ‘d la pâsta vêrs al cèinter ‘d la canèla e lasê blişghêrbliṣghêr la pâsta increspêda inséma al pèst. Dôp avèirla tóta sfuracêda cun 'na fursèina, metî al tót ind al fôren a 200°. Lassê per circa mèz'ôra; apèina préma ch'l'âbia finî ed cōṣer, bzuntê al d’ed sōver cun un pés ed lêrd. Turnê a mèter ind al fôren e cavê dôp pôch minût. Al scarpasòun l’è prûnt.