Sotto il vestito niente II
|
C'l artìcul chè 'l è scrit in
Miranduléś |
 Sotto il vestito niente II
| ||
 La Ingerman e Tamberi in na figùra dal film | ||
| Sóta 'l vistî gnint II 1988 | ||
|---|---|---|
| Regìa: Dario Piana | ||
| Scritōr: Sergio Donati • Claudio Mancini Achille Manzotti • Dario Piana | ||
| Atōr: François-Eric Gendron • Giovanni Tamberi Randi Ingerman • Florence Guérin • Gioia Scola Helena Jesus • François Marthouret • Nora Ariffin | ||
| Müsica: Roberto Cacciapaglia | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Sotto il vestito niente II (Sóta 'l vistî gnint II) 'l è 'n film śal dal 1988 ad Dario Piana, séguit minga ufisiàł dal film Sotto il vestito niente ad Carlo Vanzina.
A i budghèṅ itagliàṅ 'l à fat sù al 38śum incàs dla stagiòṅ 1988-89.
Sunt
Rizzi 'l è 'n pès grôs dla Milàṅ da bévar di an Utànta ma anc un vèć śbavōś e purcùs ch'al créd ad psēr far incòsa c'n i bèsi. Quànd al gh'à la manéra ad védar la mudèla Sylvia O'Neal (Gioia Scola) in asiòṅ ch'la s cava śò durànt na sfilàda ad mudàndi e ad regipèt ad pis, a gh vèṅ vója a d purtàr-'s-la a lèt. Al dà acsè 'l còmpit a 'l sò manager sénsa scrùpui Alex Conti (Giovanni Tamberi) 'd urganiśàr 'n incònt'r a cà sua, purtànd-'s adrē anc chi atri mudèli, la Lesley (Nora Ariffin), la Lauren (Randi Ingerman) e la Michelle (Helena Jesus). Quànd 'l óm 'd afâr al riva lè par ciulàr-'s-la, la ragàsa la s arvòlta sèg ma la n pōl far gnint parchè al sò culéghi i la tìnan sòdi méntar lò al la gusa. Finî al festèṅ, la Sylvia, dal tut fóra 'd tèsta, la tōś la màchina 'd Alex e la scapa via sénsa andàr a 'l lavōr al dè dòp. Al regìsta publisitàri David Cahill (François-Eric Gendron) al la pésca ma al n la cata briśa e alóra a 'l sò pòst al tōś la mudèla americàna Melanie Roberts (Florence Guérin) ch'la dvènt' anc la sò muróśa.
Finalmènt a s sà che fiṅ l'à fat la Sylvia parchè a s cata 'l sò còrp carbuniśâ. 'L è 'l cumisàri Brandani (François Marthouret) a far-as càrag dal caś parchè al créd ch'a sia stâ 'n masamènt. Al mudèli i tàc'n a tarmàr parchè i gh'ènan dènt'r in fiṅ a 'l còl par qvél ch'i aṅ fat cla sira là. E i 'l èṅ anc da piò da quànd un qualchidòṅ al taca a far-i fóra una dòp cl'atra.