Signorina Effe
|
C'l artìcul chè 'l è scrit in
Miranduléś |
 Signorina Effe
| ||
 Filippo Timi e la Solarino in na figùra dal film | ||
| Sgnurìna Effe 2007 | ||
|---|---|---|
| Regìa: Wilma Labate | ||
| Scritōr: Wilma Labate • Francesca Marciano Carla Vangelista • Domenico Starnone | ||
| Atōr: Filippo Timi • Valeria Solarino • Fabrizio Gifuni Luca Cusani • Sabrina Impacciatore • Marco Fubini Fausto Paravidino • Giorgio Colangeli • Clara Bindi | ||
| Müsica: Pasquale Catalano | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Signorina Effe (Sgnurìna Effe) 'l è 'n film dramàtic dal 2007 dla Wilma Labate, ispirâ a la Màrcia di quaratamìla di impiegâ dla FIAT dal 14 'd Utóbar dal 1980 a Turèṅ.
La pelìcula l'è stada candidàda a dū Dàvid ad Dunatèl e a dū Nàstar 'd Argìnt.
Sunt
Sergio Calandra (Filippo Timi) 'l è 'n uperàj ùmbar ch'al lavóra a la cadéna 'd muntàǵ a la FIAT ad Turèṅ. Un dè 'l óm, ch'al spartìs 'l apartamènt c'n al sò culéga Antonio (Fausto Paravidino), al cgnós in fàbrica l’Emma Martano (Valeria Solarino), na ragàsa dla Basitàglia ch'la gh piàś dimóndi.
La dóna l'è drē a laureàr-'s in matemàtica e la lavóra in d'l ufìsi d'l inśgnēr Silvio Forti (Fabrizio Gifuni), un pès grôs dla sucietà 'd Gianni Agnelli. I dū i tàcan na relasiòṅ insém dòp che 'l óm 'l è armàś véduv cun na putìna da tiràr sù. A na séna fra culéga a cà di Martano a sucéd che Sergio al gh la cava a purtàr-'s a lèt l’Emma, ch'la finìs c'n al mét'r-as cónt'r i sò genitōr, mént'r Antonio al s fà muróś cun sò surèla, la Magda (Sabrina Impacciatore).
A 'l inìsi di an Utànta però al ròbi i s métan mâł p'r i uperàj ch'i decìd'n acsè ad far di siòpar ad cuntìnuv par mijuràr al sò cundisiòṅ 'd lavōr e par prutestàr cóntar di licensiamènt. I lavuradōr i impedìs'n anc a i culét biànc 'd andàr in ufìsi.
Culegamènt estéran