Shiner - Diamante
|
C'l artìcul chè 'l è scrit in
Miranduléś |
 Shiner
| ||
| Shiner - Diamante | ||
 Michael Caine in na figùra dal film | ||
| Òć négar - Diamànt 2000 | ||
|---|---|---|
| Regìa: John Irvin | ||
| Scritōr: Scott Cherry | ||
| Atōr: Michael Caine • Martin Landau • Andy Serkis Frances Barber • Frank Harper • Claire Rushbrook Danny Webb • Matthew Marsden • Peter Wight Kenneth Cranham • David Kennedy • Gary Lewis | ||
| Müsica: Paul Grabowsky | ||
| Léngua: Ingléś | ||
| Dürä dal film: 99 minüt | ||
| Nasiōṅ: Régn Unî | ||
Shiner - Diamante (Òć négar - Diamànt) 'l è 'n film dramàtic britànic dal 2000 ad John Irvin.
Sunt
'L ingléś Billy Simpson dit “Shiner” (Michael Caine) insém a 'l impreśàri Gibson (Kenneth Cranham) 'l à urganiśâ a Lóndra 'n incónt'r ad pugilâ p'r al tìtul mundiàł fra sò fiōl Eddie dit “Golden Boy” (Matthew Marsden) e 'l americàṅ ad culōr Michael Peck dit Mikey “Lamp” (Derrick Harmon) ch'al lavóra p'r un manager migliardàri ciamâ Frank Spedding (Martin Landau). Billy in di sò afâr, lècit e minga tant lècit, al s fà jutàr par dū culaburadōr, Mel (Andy Serkis) e Jeff Stone dit “Stoney” (Frank Harper).
Billy, ch'l è sicûr ad vìnsar e dònca ad far sucès, 'l à impgnâ tut i sò bèsi e fat di dèbit par mét'r in pē c'l evènt chè insém a 'l sò fiōli, la Ruth (Claire Rushbrook) e la Georgie (Frances Barber). Dòp la mòrt 'd òṅ di sò pùgii, andâ a 'l uśdàł durànt 'n incóntar clandestèṅ, adès al gh'à 'l ispetōr Grant (Peter Wight) e la sergìnta Garland (Nicola Walker) ch'i gh dànan la casa.
Quànd al match al gh'à inìsi, Eddie al finìs dagnóra subìt K.O. e sò pàd'r al taca a pinsàr ch'al 'l àppia fat apòsta e che qualchidòṅ 'l àppia cumprâ 'l incóntar, suspèt ch'al crés incóra da piò quànd un tisi al spara a sò fiōl masànd-al. Billy, ch'adès 'l è ruinâ dal tut, adès al pésca sōl vindéta.